Azərbaycanın İstiqlal Mübarizəsi: 20 Yanvar faciəsindən zəfərə gedən yol 

“1990-cı ilin 20 Yanvar hadisələrindən 35 il keçir. Hər il Azərbaycan bu günü hüzn günü, həmçinin şəhidlərimizin müqəddəs ruhunun anım günü kimi qeyd edir.  20 Yanvar, əsrlər boyu Azərbaycan xalqının yazdığı qəhrəmanlıq səlnamələrindən biridi"

“ O gecə Daxili Qoşunlar və Müdafiə Nazirliyinin müxtəlif təyinatlı qoşunları Bakıya daxil olaraq dinc əhaliyə – qadın, uşaq, yaşlı demədən – qəddarcasına hücum etdilər. Gülləbaran nəticəsində soyqırım həyata keçirildi. Əsas qətliam Bakıda baş versə də, Lənkəran, Salyan, Neftçala və digər bölgələrimiz də bu zorakılıqlardan yan keçmədi. Bu hərbi təcavüzün məqsədi Azərbaycanın milli azadlıq ruhunu sındırmaq, yüksələn milli hərəkatı əzmək idi. Lakin bu qətliam gözlənilən nəticəni vermədi, əksinə, xalqımızın milli azadlıq mübarizəsinə yeni bir ruh qatdı. Azərbaycan xalqı öz tarixi gen yaddaşını bərpa edərək müstəqilliyə doğru daha əzmkar mübarizə aparmağa başladı. SSRİ rəhbərliyi sonradan fərqinə vardı ki, Bakıda törədilən bu qətliam imperiyanın süqutuna aparan əsas səbəblərdən biri oldu. 20 Yanvar faciəsi, qurban verilən canlara baxmayaraq, milli iradənin gücünü və azadlığa olan sarsılmaz inamı dünyaya nümayiş etdirdi. Bu gün biz şəhidlərimizin ruhunu ehtiramla yad edir və azadlığımız uğrunda verdikləri misilsiz töhfələri qürurla xatırlayırıq. Azərbaycan xalqı müstəqillik əldə etmək uğrunda mübarizəyə qalxaraq qısa müddət ərzində müstəqilliyini bərpa etdi və dövlət quruculuğuna başladı. Lakin bu dövrdə üzərimizə çox böyük basqılar oldu. Müstəqilliyin ilk illərində biz hərbi təcavüzlə qarşılaşdıq. Keçmiş SSRİ imperiyasının varisi olan Rusiya və şimal qonşumuzun birbaşa dəstəyi ilə, həmçinin bir sıra digər güclərin dəstəyilə ermənilər torpaqlarımızın bir hissəsini işğal etdilər. Qarabağ və ətraf rayonlarımız işğal altına düşdü. Bu müstəqillik dövründə biz həmçinin qaçqın və köçkün problemləri ilə üzləşdik. Yüzminlərlə insan evini tərk etdi, iqtisadiyyatımız hələ tam bərkiməmişdi, ölkə yeni addımlarını atmağa başlayırdı və dövlətimizin üzərinə bir çox istiqamətlərdən hücumlar oldu. Lakin xalqımızın iradəsi və qüruru heç vaxt sınmadı. Biz ayaq üstə dik duraraq müstəqilliyimizi qoruyub saxlaya bildik”.

 

“2023-cü ilin sentyabrında isə həyata keçirilən bir sıra antiterror əməliyyatları nəticəsində, 2023-cü ilin sentyabrın 10-dan 20-nə qədər olan dövrdə, ilk dəfə olaraq tam suverenliyimizi və ərazi bütövlüyümüzü bərpa etdik. Bu, müstəqillik dövründə əldə edilmiş ən böyük qələbələrdən biri idi. Azərbaycan Prezidenti, Ali Baş Komandanın rəhbərliyi ilə bütün Azərbaycan xalqı və ordusu birləşərək bu mücadiləyə qalxdı və yalnız torpaqlarımızı azad etməklə kifayətlənmədik, həm də ərazi bütövlüyümüzü, suverenliyimizi tam bərpa etdik. Azərbaycan artıq mübaliğəsiz olaraq bu regionun ən güclü dövlətlərindən birinə çevrilib. Bu gün Azərbaycan yalnız bölgəmizdə deyil, qlobal miqyasda da sözü keçən, əhəmiyyəti hiss olunan və hadisələrə, proseslərə təsir etmək imkanlarına malik olan bir dövlətdir. Biz regionda iqtisadi, siyasi və hərbi cəhətdən ən güclü dövlətdirik. Bu prosesləri davam etdiririk və bunu qürurla edirik. Biz həqiqətən də qürurluyuq – torpaqlarımızı işğaldan azad etdik, müstəqilliyimizi bərpa etdik və bu gün belə bir dövlətin vətəndaşı olmağımızla fəxr edirik. Bu gün Azərbaycanın müstəqilliyini əldə etməsi və güclü dövlət kimi fəaliyyət göstərməsi uğrunda qanından, canından keçən bütün şəhidlərimizin ruhu şaddır. Onların ideyaları uğrunda verdikləri fədakarlıqlar artıq gerçəkləşib, reallaşıb. Və bu gün biz fəxrlə Azərbaycan dövlətinin, güclü Azərbaycan dövlətinin vətəndaşı olduğumuzu hiss edirik”.