Rövşən Əsgərovun dövlətə 130 min borcu var imiş - İDDİA

Bizi sosial şəbəkələrdən izləyin:

Jurnalist, "Nə? Harada? Nə vaxt?"ın keçmiş oyunçusu, Rusiyada xarici agent kimi tanınan və terrorçuluq və ekstremist fəaliyyətlə məşğul olan şəxslər siyahısına daxil edilən Rövşən Əsgərovun 130 min rubl borcu var.

Bu barədə "RİA Novosti"nin tanış olduğu məhkəmə işlərinin materiallarında qeyd edilib.

Sənədlərdə bildirilib ki, Əsgərovun ümumi borcu 130 min rubl təşkil edir. Onun barəsində üç icra işi açılıb, sonuncusu 2025-ci ilin fevral ayının əvvəlində başlanıb.

Əvvəllər Savelovski Rayon Məhkəməsi Əsgərova 3 dəfə cərimə kəsib. Xüsusilə, 2023-cü ilin sentyabrında xarici agent nişanının olmamasına görə 40 min rubl cərimə edilib. Həmin ilin avqustunda məhkəmə xarici agentin hesabatlarını səlahiyyətli orqanlara təqdim etmədiyinə görə 40 min rubl cərimə haqqında qərar çıxarıb. Ötən ilin yanvarında Əsgərova oxşar pozuntuya görə 50 min rubl məbləğində daha bir cərimə kəsilib.

Əsgərova qarşı nasizmin reabilitasiyası (Rusiya Federasiyası Cinayət Məcəlləsinin 354.1-ci maddəsinin 4-cü hissəsi) maddəsi ilə cinayət işi aparılır. İstintaq Komitəsi müəyyən edib ki, o, sosial şəbəkələrdə Sovet İttifaqının marşalı Georgi Jukovun xatirəsini alçaldan və təhqir edən yalan məlumatlar yerləşdirib. Hazırda Əsgərov qiyabi həbs olunaraq axtarışa verilib.

"Nə? Harada? Nə vaxt?" televiziya proqramı hazırlayan "İgra-TV" televiziya şirkətinin mətbuat xidmətinin rəhbəri Viktoriya Selivanova xəbər agentliyinə bildirib ki, Əsgərov uzun müddətdir ki, oyunda iştirak etmir və Rusiya ərazisini tərk edib.//Publika.az