Novxanı kənd 1 nömrəli tam orta məktəbdə 20 Yanvar faciəsinin 35-ci ildönümü ilə bağlı silsilə tədbirlər keçirilib

Moderator.az xəbər verir ki, Novxanı kənd 1 nömrəli tam orta məktəbdə 20 Yanvar faciəsinin 35-ci ildönümü ilə bağlı məktəb kollektivinin iştirakı ilə silsilə tədbirlər təşkil olunub. Tədbirlərdə 20 Yanvar faciəsi ilə bağlı şagirdlərə ətraflı şəkildə məlumat verən müəllimlər, bu faciənin həm də qəhrəmanlıq salnaməsi kimi tariximizdə mühüm yer tutduğunu vurğulayıb.

Qeyd olunub ki, xalqımızın 1990-cı ilin 20 yanvar tarixində sərgilədiyi birlik və cəsarət dövlətimizin azadlığı yolunda atılan mühüm addımlardan biri olmuş, sovet imperiyasının süqutu prosesini sürətləndirmişdir.

Tədbirlərdə şagirdlər 20 Yanvar faciəsi ilə bağlı şeirlər səsləndirib, müxtəlif kompozisiyalar nümayiş etdiriblər.

Məlumat üçün qeyd edək ki, Mehdi Hüseynzadə adına Novxanı kənd 1 nömrəli tam orta məktəb daim milli-mənəvi dəyərlər və vətənpərvərliklə bağlı bir-birindən maraqlı tədbirləri ilə diqqət çəkir.

Seymur ƏLİYEV