Zaqatalada körpə ölümünün ilkin səbəbləri AÇIQLANDI
Cəmiyyət
1095
08 Jan 2025 | 18:28

Zaqatalada körpə ölümünün ilkin səbəbləri AÇIQLANDI

Zaqatalada körpə ölümünün ilkin səbəbləri açıqlanıb.
 
Moderator.az xəbər verir ki, bu barədə "Report"un sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
 
Bildirilib ki, Zaqatala rayonunun Gözbarax kənd sakini, 1992-ci il təvəllüdlü şəxs yanvarın 7-si saat 11:10-da 38 həftəlik hamiləlik diaqnozu ilə Zaqatala Rayon Mərkəzi Xəstəxanasına planlı qeysəriyyə əməliyyatı üçün müraciət edib:
 
"Saat 15:30-da əməliyyat icra edilib, yaşama qabiliyyətinə mane olan çoxsaylı qüsurlar və anomaliyalarla, çəkisi 2800 qram, cinsi qız olan diri körpə (ağır vəziyyətdə) dünyaya gəlib. İki saat sonra göstərilən bütün tibbi müdaxilələrə baxmayaraq, körpədə ölüm faktı qeydə alınıb".
 
Vurğulanıb ki, meyit Məhkəmə-Tibbi Ekspertiza və Patoloji Anatomiya Birliyinin Zaqatala rayon şöbəsinə təhvil verilib.
 
13:12
 
Zaqatala yeni doğulan körpə ölümü baş verib.
 
Moderator.az APA-ya istinadən xəbər verir ki, yanvarın 7-də Zaqatala rayonu Gözbarax kənd sakini 1992-ci il təvəllüdlü Xanım Üzeyr qızı Didiyeva dünyaya uşaq gətirmək üçün Zaqatala Rayon Mərkəzi Xəstəxanasının (RMX) Doğum Şöbəsinə müraciət edib. X.Didiyeva qeysəriyyə əməliyyatı ilə qız uşağı dünyaya gətirib.
 
Körpə doğuşdan bir qədər sonra dünyasını dəyişib.
 
X.Didiyevanın yaxınlarının verdiyi məlumata görə, bu, X.Didiyevanın üçüncü doğuşudur. Doğuşdan bir gün əvvəl X.Didiyeva Zaqatala RMX-da müayinə olunub və hamiləliyin normal keçməsi barədə məlumat verilib.
 
Ölümün dəqiq səbəbini öyrənmək üçün körpənin meyiti Məhkəmə Tibbi Ekspertiza və Patoloji Anatomiya Birliyinin Zaqatala Rayon Şöbəsinə təhvil verilib.
 
Faktla bağlı Zaqatala Rayon Prokurorluğunda cinayət işi başlanıb, araşdırma aparılır.
Link kopyalandı!
Son xəbərlər