“Leyli və Məcnun” operası ABŞ-da səhnələşdiriləcək - Təklif amerikalılardan gəlib

"Putin hətta Şimali Koreyanın köməyi ilə də müharibədə qalib gələ bilməyəcək" - Pentaqon rəhbəri

ABŞ prezidenti seçkilərinə 5 gün qalıb: kim irəlidədir? - İctimai rəy sorğusunun nəticələri

Ermənistanla Türkiyə arasında hansı konkret razılaşmalar var?..-Erməni nazir açıqladı...

Keşiş Baqrat xaricə getdi: Müalicə, yoxsa daha güclü və əyani təlimat üçün?..

"Haydı, uşaqlar, cəsarətli olun, belə də davam edin!.." - Alla Puqaçova

"İordan çayının Qərb sahili və Qəzza bölgəsi işğal edilmiş ərazilərdir" - Quterriş

Ukrayna qadınları noyabr ayından hərbi xidmətə çağırılacaqmı?..

Baydenin müşavirləri xüsusi missiya ilə Yaxın Şərqə yollanır

“Leyli və Məcnun” operası ABŞ-da səhnələşdiriləcək - Təklif amerikalılardan gəlib - ÖZƏL

Cəmiyyət

Oxunub: 411

11:11, Bu gün

“Leyli və Məcnun” operası ABŞ-da səhnələşdiriləcək - Təklif amerikalılardan gəlib - ÖZƏL

ABŞ-da yaşayan azərbaycanlı xanəndə, Azərbaycan Milli Konservatoriyasının məzunu Aqil Süleymanov ilk milli Azərbaycan operası olan “Leyli və Məcnun”-u səhnələşdirmək niyyətindədir. Bu yaxınlarda ABŞ-nın bir neçə ştatında uğurlu konsert proqramları ilə çıxış edən həmvətənimizin yenilikləri barədə maraqlanmışıq. Qeyd edək ki, Aqil artıq 7 ildir Amerikada fəaliyyət göstərir.

-Aqil, sənətinizdə baş verən yenilikləri sosial mediadan izləyirik. Sonuncu konsertlərinizlə bağlı təəsüratlarınızı bizimlə bölüşə bilərsiz?

-Əvvəla deyim ki, 2024-cü il mənim üçün çox uğurlu oldu, sənətimdə bir çox irəliləyişlərə nail oldum. Bilirsiniz ki, artıq bir müddətdir ABŞ-da Azərbaycan muğam musiqisini təbliğ edirəm. Bu zaman ərzində məni tanıyan, musiqimi dinləyən, qiymətləndirən yetəri qədər auditoriya toplamağı bacarmışam. Onlar arasında azərbaycanlılarla yanaşı amerikanlılar və digər millətlər də var. Bunun üçün çox çalışdım və deyə bilərəm ki, məhz bu il əziyyətimin bəhrəsini görürəm. İnsanlar mənim musiqilərimi indi daha çox qiymətləndirir və sevir. Hətta bir neçə ştatdan konsertlər və toy təklifləri almışam. Bu il Kaliforniya, Minnesota, Ohayo, Pensilvaniya ştatlarında, həmçinin paytaxt Nyu-Yorkda konsertlərim oldu... Noyabrın 8-də, Zəfər Günündə, Nyu-Yorkun böyük musiqi səhnələrindən biri “Linkoln Mərkəzi”-n də Əməkdar artist, professor Nərgiz Əliyarova ilə bir səhnəni bölüşəcəm. Nərgiz Əliyarova uzun müddət Bakı Musiqi Akademiyasında fəaliyyət göstərib. Onun kimi böyük musiqiçi ilə səhnə paylaşmaq mənim üçün qürurvericidir.

-Məşhur “Leyli və Məcnun” operasını ABŞ-da səhnələşdirmək planlarınız haqqında nə deyə bilərsiniz?

-Açığı bunu Amerikada reallaşdırmaq bir qədər çətindir. Çünki belə bir təklif tam amerikalılardan gəlib. “Hunter” Kollecdə çalışan professor Corc Mürerlə anlaşmamız var. Bu məqsədlə hazırda Leylini, səhnə geyimləri, musiqiçiləri seçməyə çalışırıq. Deyə bilərəm ki, dekabr ayınadək bu işləri yekunlaşdırmağı planlaşdırırıq. Daha sonra sənədləşmə, viza məsələləri və s. işlərə başlayacağıq. “Leyli və Məcnun”-u 2025-ci ilin aprel ayında səhnələşdirməyi düşünürük. Hazırda danışıqlar gedir və bu ölməz əsəri həmin tarixdə səhnələşdirmək istəyirik.

-Musiqi fəaliyyətinizdə daha hansı yeniliklərinin var?

-Bir neçə il bundan öncə “Qarabağ” ansamblı ilə ifa etdiyimiz “Yana yana kül oldum” mahnısını bir neçə beynəlxalq musiqi festivallarına göndərmişəm. Bu musiqi festivallarından biri İngiltərədədir. Artıq noyabr ayının 20-si həmin musiqi festivalının nəticələri açıqlanacaq. Digərləri ABŞ-dadır ... Bu festivalların nəticələri noyabr ayının 8-i və dekabrın 20-i açıqlanacaq. Festival qaliblərinə qızıl, gümüş və bürünc medallar təqdim olunacaq. Hərhalda qızıl medalı qazanacağıma ümid edirəm. Bu beynəlxalq musiqi festivalı olduğu üçün Azərbaycan musiqisini təmsil etdiyimə görə çox sevinirəm. Hal-hazırda musiqi işləri ilə məşğuluq. Artıq gələn il ABŞ-nın müxtəlif ştatlarında 8 toya dəvət almışam. Musiqi ilə yanaşı digər fəaliyyətim də var. Bu yaxınlarda Nyu-Yorkda şəxsi avtotəmir mağazamı açacam. Ora-bura qaçırıq, görək necə olur... İnşallah vaxtında çatdırarıq işlərimizi.