Biz xeyirxah xalq olaraq, kiminsə yardıma ehtiyacı olduğu halda, dərhal ona yetişir, yardım əli uzadırıq. Məhərrəm ayında da insanlar biri-birini birliyə çağırır, yardımlaşırlar. Balaca Hüseynin də yardıma ehtiyacı var. O, nə danışa, nə də ki, gəzə bilir. Ayağa qalxması üçün valideynləri hər bir əzaba qatlanır. Hüseyn illərdir ki, valideynlərinin gözü qarşısında ağrı-acı ilə yaşayır. Doğuş zamanı həkim səhlənkarlığı Hüseynin həyatını məhv edib. Onun beyin hüceyrələri zədələnib, başındakı kista isə ona bitmək bilməyən kəskin ağrılar verir. Mütəmadi olaraq ağlayır, çığırır. Daha dəhşətlisi isə odur ki, ağrılarını dilə gətirə bilmir, çünki o, danışa bilmir. Gəzə bilmədiyindən, onda kəskin skalioz da yaranıb. Hüseynin ailəsi uzun illərdir ki, uşağı müalicə etdirməyə çalışır, təbii ki, imkan daxilində. Müalicənin davam etdirilməsi üçün isə böyük məbləğdə vəsait lazımdır. Gəlin, bir olaq. Hüseynin həyatına biganə qalmayaq. Birlik ayında ayında balaca Hüseynin ayağa qalxması üçün əlimizdən gələni əsirgəməyək.