Son vaxtlar Azərbaycanda alternativ enerjiyə maraq artmaqdadır. Nəticədə günəş panellərinə maraq artıb. Günəş panelləri günəş işığından alınan enerjini elektrik enerjisinə çevirən texnologiyadır. Hazırda dünyanın 70-ə yaxın ölkəsində günəş enerjisindən istifadə olunur və bu sahədə perspektivli layihələr hazırlanır. Günəşli günlərin çoxluğunu nəzərə alaraq, Azərbaycanda da günəş panellərindən istifadə inkişaf edir. Bu istiqamətdə xeyli işlər görülür.

 

 

Günəş panelindən maksimum elektrik enerjisi əldə etmək üçün günəşli hava vacibdir. Günəş panelləri buludlu havada belə 50 faiz tutumla işləyir.

 

Çin dünyada günəş panellərinin əsas istehsalçısı hesab olunur. Onlar da Azərbaycanda istehsal olunur. Evlərdə günəş panellərinin quraşdırılması üçün xüsusi icazə tələb olunmur. Onların qiyməti gücündən asılı olaraq 400-600 manat arasında dəyişir. Bu məbləğə digər avadanlıq və quraşdırma xərclərini də daxil etsək, o zaman qiymətlər panellərin sayından asılı olaraq 8-12 min manat arasında dəyişə bilər. Günəş panelləri ildə orta hesabla 300 gün evin enerji ehtiyacının təxminən 50%-ni təmin edə bilir. Günəş panellərinin xidmət müddəti təxminən 30 ildir. Ən böyük günəş panelinin gücü 700 Vt-dır. Ən çox istifadə olunan günəş panelləri 550 vattdır.

 

Günəş panelləri bahalı olduğundan, onların geri ödəmə müddəti uzun olur. Amma əvvəlki illərlə müqayisədə sahibkarların onlara marağı artır.