Bu gün Oxu.az xəbər saytının 11 yaşı tamam olur.

 

Moderator.az xəbər verir ki, 2013-cü ildən fəaliyyətə başlayan sayt ölkədə və dünyada baş verən ən aktual xəbərləri Azərbaycan və rus dillərində fasiləsiz olaraq oxuculara çatdırır.

 

Saytda oxucuları və cəmiyyəti maraqlandıran suallara cavablar, analitik məqalələr, foto və videohesabatlar təqdim edilir.

 

Oxu.az-ın baş redaktoru Ülvi Səfərovun sözlərinə görə, qarşıda oxucuların sayta əlçatanlığını təmin etmək üçün onları yeniliklər gözləyir: “Əsas məqsədimiz 11 il ərzində qazandığımız uğurların sayını artırmaqdır. Bu uğurların arxasında böyük bir zəhmət dayanır. Əminəm ki, bundan sonra da inkişaf edəcək daha böyük uğurlara imza atacağıq. Bizi izləyən yanımızda olan hər kəsə təşəkkür edirik”.

 

Moderator.az saytının kollektivi adından Oxu.az-da çalışan həmkarlarımız təbrik edir, onlara fəaliyyətlərində uğurlar arzulayırıq!