Bərdədə "Ailə münasibətləri" mövzusunda növbəti tədbir keçirildi - FOTO

 

Moderator.az xəbər verir ki, tədbirdə Bərdə UGİM-nin direktoru Aynurə Əyyubova, Komissiyanın sədri Səfurə Hümbətova, QMƏŞVAİB-in rayon şöbəsinin sədri Etibar Hüseynova, şəhər 2 nömrəli kitabxananın müdiri Nərgiz Cəfərova və bir qrup qadın iştirak edib.

 

Tədbir zamanı qeyd olunub ki, ailə dəyərlərimizin əsasını ailədaxili münasibətlər təşkil edir. Bu münasibətlərin düzgün qurulması üçün ailə üzvləri, ilk növbədə, ər və arvad bir-birinə hörmət və ehtiramla yanaşmalıdırlar. Bildirilib ki, Əgər bir ailədə hörmət, sevgi hökm sürərsə, şübhəsiz ki, bu ailəni heç bir problem və çatışmazlıq sarsıda bilməz. Ailənin möhkəmlənməsi, hər şeydən əvvəl, nüfuzlu və uzunömürlü ailələrin nümunəsinə əsaslanır. Ailənin uzunömürlü olmasının əsas səbəblərindən biri sağlam həyat tərzi, ailə qurarkən gənclərin ailənin mahiyyətini anlaması və buna hazır olmasıdır.