Məşhur psixoloq boşanmaların səbəblərinə toxundu...

Ofelya Məmmədova: “Bir çox hallarda sərbəstlik arzusu, əyləncə istəyi nəticə etibarı ilə boşanmaya yol açır”

Ölkəmizdə boşanmalarla bağlı problem öz aktuallığı qoruyub saxlamaqdadır.

Moderator.az-a açıqlama verən Soul Psixologiya və Nitq inkişaf mərkəzinin rəhbəri, tanınmış psixoloq Ofelya Məmmədova boşanmaların səbəbinə toxunub, bunu doğuran amillərə aydınlıq gətirib:

“Boşanmaların bəzilərinin kökündə xəyanət olsa da, maddiyyata görə çox az boşanma olur. Boşanmalara səbəb olan amillərdən biri olaraq maddiyyat olduğu düşünülsə də, əslində maddi cətinliyin ailədə ər-arvad arasındakı anlaşılmazlıq, xasiyyətlərin üst-üstə düşməməsi, cinsi problem və digər altda yatan nüansların üzə çıxartmasına təkan yaratmış olur. Belə ki, maddi vəziyyət yaxşı olduqda çox zaman iki tərəf problemlərin üstündə çox dayanmır və görməzdən gəlir. Maddi vəziyyət aşağı olduqda isə ər və arvad maddi zəifliyin gətirdiyi problemlərlə (komunal ödənişlər, ərzaq yetməzliyi) bağlı əsəbi, stressli, səbrsiz olur və ailədə görməzdən gəldikləri mənəvi problemləri qabartmağa başlayırlar. Sonda isə boşanmağa gətirir.

Boşanmaların səbəbi çoxdur. Səbəb kimi daha çox uyğunsuzluq, fikir ayrılığı, anlaşa bilməmək kimi fikirlər səsləndirilir. Əsl səbəb isə çoxunda sərbəst olmaq, qadağalara tabe olmaq istəməmək, çox vaxt da həyəcan və əyləncə arxasında getmək istəyidir.

Ailə travmaları, cinsi uyğunsuzluq, xarakter uyğunsuzluğu, maddiyyat, ikinci dərəcəli qohumlıarın müdaxiləsi, sonsuzluq və s. bu səbəbləri təşkil edir. Cinsi münasibətin normal olmaması cinslər arasında münaqişəni çoxaldır və anlaşılmamazlıq səbəbi ilə ortadakıq almaqal daha da böyüyür. Bu isə kənarda münasibətlərə yol açır və boşanmalara təkan verir”.

Seymur ƏLİYEV