BDU-da qış imtahan sessiyası yanvarın 7-dən başlayacaq
Cəmiyyət
2226
29 Dec 2023 | 16:50

BDU-da qış imtahan sessiyası yanvarın 7-dən başlayacaq

Bakı Dövlət Universitetində (BDU) 2023/2024-cü tədris ilinin payız semestrinin qış imtahan sessiyası yanvarın 7-də başlayacaq. Bu barədə BDU Elmi Şurasının bu gün keçirilən iclasında qərar qəbul olunub.
 
BDU-dan Moderator.az-a bildirilib ki, imtahanlar yazılı və şifahi olmaqla iki növbədə (saat 10:00-13:00 və 14:00-17:00) keçiriləcək.
 
İmtahan sessiyası zamanı üzrlü və üzrsüz səbəblərdən imtahanda iştirak etməyən təhsilalanlara həmin fənlərdən imtahan vermək üçün 2024-cü ilin fevral ayının 5-dən 14-dək şərait yaradılacaq.
 
Ayrı-ayrı fənlər üzrə auditoriya saatlarının 25%-dən çoxunda iştirak etməyən tələbələr həmin fəndən imtahana buraxılmayacaqlar.
 
Link kopyalandı!
Son xəbərlər