Nərimanov rayon Cümə məscidində (keçmiş “Əbu-Bəkr”) təmir və yenidənqurma işləri ilin sonunadək yekunlaşacaq.
APA-nın xəbərinə görə, məsciddə təmir və yenidənqurma işləri Abşeron-Şirvan memarlıq üslubuna uyğun aparılıb.
Minarələrdən biri tam qəzalı vəziyyətə düşdüyü üçün, digəri isə vahid memarlıq üslubuna uyğun gəlməsi üçün sökülərək yenidən tikilib. O cümlədən günbəz də yenidən qurulub.
Məsciddə əlavə xidməti yerlər tikilib, həyəti abadlaşdırılıb. Bu ilin sonuna qədər müvafiq imtahanlardan sonra Dini Qurumlarla İş üzrə Dövlət Komitəsi məscidə yeni imam təyin edəcək, məscid ibadətə açılacaq.
