“İyirmi birinci əsrin elə bir dönəminə gəlib çatmışıq ki, Azərbaycan-Türkiyə, Türkiyə-Azərbaycan adlı iki dövlətin hansınınsa adını əvvəl çəkmək adama çətin gəlir. Çünki bunları bir-birindən ayırmaq olmur. İndi doğrudan da Azərbaycanın kədəri Türkiyənin kədəri, Türkiyənin sevinci Azərbaycanın sevincidir. Ölkə başçısının dediyi kimi dünyada bu formatda iki dost ölkə tapmaq çətindir”

 

Bu Moderator.az-a açıqlamasında şair Qulu Ağsəs bildirib. Q.Ağsəs iki ölkə arasındakı münasibətlərin tarixinə toxunub:

 

“İyirmi birinci əsrin elə bir dönəminə gəlib çatmışıq ki, Azərbaycan-Türkiyə, Türkiyə-Azərbaycan adlı iki dövlətin hansınınsa adını əvvəl çəkmək adama çətin gəlir. Çünki bunları bir-birindən ayırmaq olmur. İndi doğrudan da Azərbaycanın kədəri Türkiyənin kədəri, Türkiyənin sevinci Azərbaycanın sevincidir. Ölkə başçısının dediyi kimi dünyada bu formatda iki dost ölkə tapmaq çətindir. Biz doğrudan da şüardan əməli işə keçmişik, bir millət iki dövlət olduq. Bunun ən bariz nümunəsini isə 44 günlük müharibədə gördük. 44 günlük müharibə ərzində bizə dəstək olan ölkələr çox idi, amma bizlə bir cəbhədə döyüşən (söhbət siyasi cəbhədən gedir) sona qədər mübarizə aparan məhz Türkiyə cümhuriyyəti və onun rəhbərliyi oldu. Türkiyə artıq illərdir ki, Azərbaycan musiqisin öz musiqisi kimi sevib təbliğ edir. Anonim ifalar isə müəllif qeyd olunmadığı üçün bizdə qıcıq doğurur. Bu da haqlı bir əlamətdir. Söhbət ondan gedir ki, Türkiyənin istər bəstəkar, xalq, estrada mahnıları sırasında Azərbaycan musiqiçilərinin repertuarından gen-bol istifadə olunur. Bunu çox sevə-sevə ifa edib özlərinki bilirlər. Necə ki, bizim dastanlarımız ortaq mənəvi irsimizdir”. 

 

Q.Ağsəs deyib ki, bu fikir iki ölkə cəmiyyətində də geniş şəkildə təbliğ olunur:

 

“Bu fikir indi artıq Türkiyə-Azərbaycan ictimai, iqtisadi siyasi həyatının bütün sferalarına təsir edir. O cümlədən də Azərbaycanın bu haqq savaşındakı müharibədə şəhid olan igidlərimiz Türkiyənin həm ədəbiyyatına, həm musiqisinə, həm də bürokratik aparatlarına da yansıdı. Yəni orda olan bələdiyyələr də çox sevə-sevə bizim qəhrəmanların adların küçədə, emalatxanada əbədiləşdirməklə məşğuldurlar. Məsələn, İbad Hüseynov indi Milli Qəhrəman adı alıb, amma bundan qabaq “Azərbaycan bayrağı” ordeni almışdı. İbadın adına qardaş Türkiyədə hələ bir neçə il öncə küçə verilib. Mübariz İbrahimovu qardaş Türkiyədə bizim qədər sevirlər. “Quruluş Osman” Türkiyədə və ümumiyyətlə dünyada ən çox baxılan seriallardan biridi. Osmanlı dövrünün başlanğıcına həsr olunmuş filmdir. O filmə əslən Azərbaycandan olan idmançı Zabit Səmədovu  dəvət etdilər. Z.Səmədovun o filmdə iştirakı filmin keçmiş Sovet respublikalarında daha çox baxılmasına səbəb oldu. Çünki adam əslən azərbaycanlıdır, Gürcüstanda doğulub, Minskdə karyerasına başlayıb, MDB-də çox məşhurdu. Zabit həmin filmə çəkiləndən Çeçenistan prezidenti filmin aktyorlarını öz ölkəsinə dəvət etmişdi. O heyətin içində Zabit də var idi. Zabit həm də Ramazan Kadırova qardaş deyib, onu qucaqlayır. 

 

Vətən savaşında zabitlərimizin göstərdiyi rəşadət Türkiyənin filmlərinə də yansıyıb. Yəni bundan qabaq biz bir neçə filmdə Azərbaycan bayrağını da görmüşük. Sizə çox maraqlı bir şeyi deyim. İstanbulda bir bloger Azərbaycana olan münasibəti öyrənmək üçün çəkiliş etmişdi. Bir nəfər Azərbaycan bayrağın hamının gözü qabağında yerə atmışdı və küçədən keçən adamlar o bayrağı yerdən götürüb onu yerə atan adamı öldürmək istəyirdilər. Deyirdilər ki, bu bizim öz bayrağımızdır. Bu onu göstərir ki, 83 mçilyonluq qardaş Türkiyədə Azərbaycanı və qəhrəmanlımızı da öz qəhrəmanları kimi qəbul edirlər. Ona görə də Mübarizin, Poladın adı öz qəhrəmanları kimi əbədiləşdirilir. 

 

Artıq şəxsiyyət vəsiqəsi ilə Türkiyəyə gediş-gəliş var. Hələ Türkiyənin Azərbaycanda görəcəyi daha böyük işləri var. Biz sevə-sevə onları gözləyirik. Bilirsiniz ki, Şuşada orta məktəb tikəcəklərinin anonsunu veriblər. Ağdamda quruculuq işlərində Türkiyənin iş adamları öz yardımını təklif edib. Bizim sərhəd boyu yerlərdə, Qubadlı, Zəngilan tərəfdəki kəndlərimizi abadlaşdırmaqdan ötrü Türkiyə iş adamları öz təkliflərini irəli sürüblər. Yəqin ki, Laçında, Kəlbəcərdə, Şuşada, Zəngilanda, Qubadlıda o cümlədən də Xudafərinin inşasında Azərbaycan və İranla bərabər, Türkiyə çox böyük işlər görəcək. Bizim ordularımız da çox böyük əməkdaşlıq edir.  Azərbaycan Ordusu artıq Türkiyə sisteminə keçir. Türkiyə isə dünyada 10 ən güclü ordudan biridir. Biz hələ o sistemə keçməmiş ordumuz cəbhədə xərraqələr yaratdı. Türkiyə sisteminə keçəndən sonra ordumuz qat-qat güclü olacaq. Türkiyə Azərbaycanın səadəti, rifahı, gələcəyi, keçmişi bağrıbadaşdı, onları bir-birindən heç vaxt ayırmaq olmaz. Zəngilan dəhlizi açılandan sonra bizim Türkiyəylə birbaşa əlaqələrimiz yaranır. Bu birlik sayəsində Azərbaycan Qafqazın ən güclü dövləti olacaq. Çanaqqala savaşında biz Türkiyənin haqqını ödəmişik. Azərbaycanlılar türklərin yanında olub, döyüşüb və şəhid olublar. Türkiyə Cümhuriyyətinin qurulmasında Azərbaycan ideoloqlarının, mühacirlərinin böyük rolu olub. Bizim aydınlarımız Atatürkün müttəfiqi olublar. Zaman-zaman bu qardaşlıq olub, indi də davam edir. Sevinirəm və artıq hamı bilsin ki, bizə olan təhdid Türkiyəyə olan təhdiddi, Türkiyəyə olan təhdid isə Azərbaycana olan təhdiddir”.

 

Qeyd edək ki, Türkiyənin Denizli şəhərinin Çameli rayonunda, Atatürk Məktəbində qurulan və Azərbaycan Milli Qəhrəmanı Mübariz İbrahimovun adı verilən texniki kodlama və robotlaşdırma üzrə emalatxananın açılışı olub.