"Vəssalam, Tramp oldu əsil qəhrəman(?)...- Güllələnmədən sağ çıxmış bəziləri  kimi..."

 

 

ABŞ prezidentliyinə namizəd Donald Tramp Pensilvaniyada seçkiqabağı çıxışı zamanı – 14 iyul- Bastiliyanın Alınması günü ərəfəsində sui-qəsdə məruz qaldı; ona tərəf snayper güllələri atıldı və o yalnız qulağının sivrilib qanamasıyla qurtuldu...

 

Vəssalam, bundan sonra Amerikada Trampı dəstəkləyən və analitik düşüncə tərzinə malik olmayan nadanlar toplusunun - kütlənin gözündə o, əsil qəhrəmana çevriləcək, çünki belələri düşünməyəcək ki, prezidentliyə namizəd niyə sui-qəsdə məruz qaldı, bu, kimə sərfəli idi, əksinə, tərəddüd etmədən inanacaq ki, bunu demokratlar, yəni Bayden təşkil edib...

 

Çoxlarının bunu Trampın hakimiyyətə qayıtmasına çalışan bəzi beynəlxalq mərkəzlər, o cümlədən Putin "FSB"-si, hətta ABŞ daxilində bəzi güclərin də təşkil edə biləcəyini düşünmədiyindən onun tarixdə ya süni, ya doğrudan da təşkil olunmuş sui-qəsd cəhdlərindən, güllələnmələrdən sağ qalmış bəziləri, məsələn, bir qadının güllələməsindən sonra ölməmiş və nəhəng kommunist-bolşevik, Sovet diktaturasını -imperiyasını qurmuş Lenin kimi kütlənin gözündə “canını öz ölkəsi, xalqı yolunda qurban verməyə hazır olan” bir qəhrəman olaraq seçkiləri udub hakimiyyətə gəlmək şansı xeyli artacaq...

 

 

 

Sultan Laçın