Yaxın Şərqdən Cənubi Qafqaza: 2025-ci ildə yeni eskalasiya riski

 

 

" Qardaş Türkiyənin isə  Orta Şərqdəki gücü daha da  artdı. Azərbaycan Türkiyənin strateji müttəfiqidir. Eyni zamanda  iki ölkə arasında  “Şuşa bəyannaməsi” ilə möhürlənən bir münasibətlər var. Təbii ki, İran və Rusiya Yaxın və Orta Şərqdə itirdikləri mövqelərini Güney Qafqazda da itirmək niyyətində deyillər. Əksinə, Güney Qafqazda  onun əvəzini çıxmağa çalışırlar və bununla bağlı Azərbaycana  müxtəlif siyasi təzyiqlər edirlər. Xüsusilə Azərbaycan təyyarəsinin Rusiya səmasında vurulması, İran tərəfdən son dövrlər səslənən bir çox bəyanatlarını nəzərə alsaq, bu o deməkdir ki, hər iki tərəf Azərbaycana bu və digər formada təsir etməyə çalışacaqlar. Təbii ki, Rusiya və İranın Azərbaycana siyasi təzyiqi Ermənistanı yeni revanşizimə  həvəsləndirə bilər. Və nəzərə alsaq ki, Ermənistan son illər ciddi şəkildə sürətli silahlanmaya davam etməkdədir. Yalnız İran və Rusiya deyil, eyni zamanda Fransa da Ermənistanı  revanşa həvəsləndirir və sürətlə silahlandırmağa davam edirlər. Təbii ki, bunun fonunda  bölgədə gərginlik artacaq və  2025-ci  ildə hansısa bir eskalasiyanın olacağı mümkündür. Azərbaycan Prezidentinin  çıxışından da  aydın oldu ki, Azərbaycan Ermənistanın sürətlə silahlanmasına və Azərbaycanın təhlükəsizliyinə təhdid mənasını yaratmasına dözmək niyyətində deyil. Hələ də Üçtərəfli bəyanatın doqquzuncu maddəsinə uyğun olaraq Ermənistan Zəngəzur dəhlizinin açılmasını  yubandırır ki, Azərbaycan buna da artıq dözmək fikrində deyil. Bütün Ermənistanın davranışları, sürətlə silahlanması, öhdəliklərdən yayınması, sülh müqaviləsini imzalamaq istəməməsi, regionda gərginliyə səbəb olacaq”.