Bu qüvvələr bölgəyə gətirilir: Toqquşmalar olarsa... – Ermənistanla sərhəddə nə baş verir?

"Putin hətta Şimali Koreyanın köməyi ilə də müharibədə qalib gələ bilməyəcək" - Pentaqon rəhbəri

ABŞ prezidenti seçkilərinə 5 gün qalıb: kim irəlidədir? - İctimai rəy sorğusunun nəticələri

Ermənistanla Türkiyə arasında hansı konkret razılaşmalar var?..-Erməni nazir açıqladı...

Keşiş Baqrat xaricə getdi: Müalicə, yoxsa daha güclü və əyani təlimat üçün?..

"Haydı, uşaqlar, cəsarətli olun, belə də davam edin!.." - Alla Puqaçova

"İordan çayının Qərb sahili və Qəzza bölgəsi işğal edilmiş ərazilərdir" - Quterriş

Ukrayna qadınları noyabr ayından hərbi xidmətə çağırılacaqmı?..

Baydenin müşavirləri xüsusi missiya ilə Yaxın Şərqə yollanır

Bu qüvvələr bölgəyə gətirilir: Toqquşmalar olarsa... – Ermənistanla sərhəddə nə baş verir? - Müsahibə

Aktual

Oxunub: 383

12:50, Bu gün

Bu qüvvələr bölgəyə gətirilir: Toqquşmalar olarsa... – Ermənistanla sərhəddə nə baş verir? - Müsahibə

Milli Məclisin İnsan hüquqları komitəsinin sədri, millət vəkili Zahid Oruc Moderator.az-ın suallarını cavablandırıb. Müsahibəni sizə təqdim edirik:

– Oktyabr ayının əvvəlindən Avropa İttifaqının “müşahidəçi”lərinin Azərbaycanla sərhəddə baş çəkməsi halları artıb. Hazırkı situasiya nədən xəbər verir?

– Ermənistan-Azərbaycan sərhədinə Avropa İttifaqının müşahidə missiyasının gəlişi ilə bağlı məsələ Prezident İlham Əliyev tərəfindən bir neçə dəfə dəyərləndirilib, qiymətləndirmələr aparılıb. Bu o deməkdir ki, məsələnin miqyası, əhəmiyyəti strateji və geosiyasi önəmi yetərincə böyükdür. Avropa strukturları real hüquqi mandatı olmayan qurumu nəyin bahasına olursa olsun bölgəyə gətirmək üçün ilk dönəmlər ölkəmizə təsir, sonra isə təzyiqlər ediblər. Bu niyyətləri baş tutmadıqda isə birtərəfli qaydada addımlar atıblar. 2022-ci ilin 6-7 oktyabrında Praqada Avropa Siyasi Mərkəzi formatında görüşlər zamanı ölkə başçısı ilə bu danışıqlar aparılıb və kiçik sayda məhz mülki qüvvələrin regiona gəlişinə dair cəhdlər, mövqelər, istəklər ortaya qoyulub. Dövlət başçısı məsələnin əsl mahiyyətini bildiyi üçün millətimizin iradəsini ifadə edərək haqlı olaraq Avropa İttifaqının “müşahidəçi”lərinin ərazilərimizdə yerləşməsinə razılıq verməyib. Bundan sonra üç aylıq bir dövr üçün kiçik sayda bir qüvvələrin gəlişi ilə bağlı danışıqlardan sonra 230-dan çox məxfi xidmət orqanları sferasında çalışan və əsasən NATO-nun müxtəlif ərazilərdə casusluq fəaliyyətlərindən keçən qüvvələr Ermənistanla Azərbaycan arasındakı strateji nöqtələrdə yerləşdirildi. Bu say artırmayla məhdudlaşmayan “müşahidəçi” missiyasına Polşa əsilli hərbçi rəhbərlik edir. Göründüyü kimi, bu, hərbi casus qüvvələridir.

– Məlumata görə, Kanada kimi uzaq ölkələrdən olan qüvvələr də missiyanın tərkibində təmsil olunurlar. Onların marağı nədir?

– Bəli, Kanada təmsilçiləri də həmin hərbi casus qüvvələrinin tərkibində təmsil olunurlar. Ağ Ev tərəfindən verilən əmrlərin nəticəsində həmin missiyanı getdikcə gücləndirirlər. Hətta informasiya vasitələrində Birləşmiş Ştatların özünün də qüvvələrinin bura gətiriləcəyi haqqında məlumatlar yayılıb. NATO-nun keçmiş baş katibi Fok Rasmussenin Laçın yolunda gəlib dayanması və əraziləri müşahidə etməsinin şahidi olduq və həmin dövrlərdə prezidentin köməkçisi Hikmət Hacıyev tərəfindən açıqlamalar verildi ki, bütün bu səfərlərin hamısı erməni lobbi mərkəzləri tərəfindən maliyyələşdirilir və qeyd edilən mövqeyini təsdiqləyən sənədlər də mediada dərc olundu. Kifayət qədər təsirli, ciddi, mühüm addım idi. Azərbaycan dövlət iradəsini göstərirdi ki, bu prosesin gələcək hədəfindən məlumatlıdır, yaxşı mənada narahatdır.

– Hesab edirsinizmi ki, bölgəyə beynəlxalq hərbi missiyaların gətirilməsi sanki oyunun bir parçasıdır?

– Şübhə doğurmur ki, bir tərəfdən İran, o biri yandan Rusiya hər zaman Ermənistanda olub, sanki üçüncü, dördüncü dövlətlər və Qərb mərkəzləri xüsusi olaraq NATO-nun ayaq səslərinin gəldiyini görərkən biz bu qüvvələrin gələcək beynəlmiləl toqquşmanın bir tərəfli olduğunu görməkdəyik. Bir neçə gün öncə Azərbaycan informasiya vasitələrində Fransa qüvvələrinin açıq müstəvilərdə hərəkətinə dair məlumatlar yayıldı. Bunlar heç şübhəsiz ki, əsassız iddialar sayıla bilməz. Ona görə ki, onu təsdiq edən kadrlar göstərildi. Bu o deməkdir ki, Azərbaycan bu gün regionda baş verən bütün proseslərə həm də müvafiq texnoloji avadanlıq, qurğu, peyk rabitəsi vasitəsilə nəzarət edə bilir. Ona görə də ölkə rəhbərinin bir açıqlamasını indiki halda xatırlatmaq yerinə düşər. O da ondan ibarətdir ki, biz şahidi olduq ki, ərazilər azad olunduqdan sonra istər Naxçıvan tərəfdən, istərsə də Qarabağ üzərindən, həm də elə Göyçə dağları vasitəsilə İrəvan, o cümlədən İranla sərhəddə baş verən istənilən hərbi və mülki hərəkətlər müşahidə oluna bilir. Bu o deməkdir ki, 200 adamı bu 1000 kilometrlik əraziyə - Ermənistanla olan sərhəddə bir-bir yığmaq mümkün deyil. Onlar fərqindədirlər ki, hansı nöqtələrdə Azərbaycanın hərbi qüvvələri daha çox dislokasiya ediliblər, daim bu əraziləri müxtəlif xüsusi qurğular vasitəsilə müşahidə altında saxlayırlar. Təbii ki, onlar da bizi görürlər, hər hansı bir formada bu prosesə nəzarət etməyə çalışırlar.

– Bu missiya başqa qüvvələri də bölgəyə cəlb etmək üçün qarşıdakı dövrdə təxribatlar törədə bilərmi?

– İndiyə qədərki mərhələdə Azərbaycanın haqlı narazılığına və etirazlarına qarşı tərəfdən verilən cavablar bu olub ki, “bizim qətiyyən xoş məramımız var: atəşkəs rejimi pozulmasın, atəş açılmasın, fiksasiya etdiyimiz pozuntular hər iki tərəfin etdiyi hərəkətlərə aiddir və s.”. Amma biz indiyə qədər onların dərc etdiyi açıq mənbələrdə bir hesabat görməmişik ki, orada qeyd edilsin ki, həqiqətən, Ermənistan tərəfdən Azərbaycan ərazilərində lokal hər hansı bir atışmalar baş verir. O halda heç olmasa bir nisbi balans yaradardılar ki, bunların fəaliyyəti tam Azərbaycana, İrana, Rusiyaya, o cümlədən Türkiyəyə qarşı yönəlməyib. Başlıca olaraq hədəf NATO-nun regiona gətirilməsidir. Burada toqquşmalar baş verəcəyi təqdirdə onlar hüquqi zəmin qazanacaqlar. Ardınca isə ona dair BMT qətnamələri və qərarları da çıxaracaqlar. Sonrakı mərhələdə ermənilərin təhlükəsizliyi adı altında ölkəmiz əleyhinə təxribatlara cəhd göstərəcəklər.

– Başqa qüvvələrin də bölgəyə cəlb edilməsi regionda üçüncü dövlətlərin toqquşmasına səbəb ola bilər?

– Məsələnin ən arzuolunmaz tərəfi az qala ermənilərin əvəzindən Qarabağa qayıtmaq istəyində olan qüvvələrin süngü gücünə bu hərəkətlərinin həyata keçirilməsinə dair məsələlərdir. Ona görə də hesab edirəm ki, indiki halda ölkəmizin məsələ ilə bağlı kəskin etirazları heç şübhəsiz ki, Ermənistan tərəfindən dəyərləndirilir. Onlar fərqindədirlər ki, bölgəni xarici qüvvələrin inhisarına və onların sərəncamına verdiyində, bir tərəfdən KTMT-dən tam çıxmamış, o biri yandan üçüncü digər hərbi formatlarda yer almamış NATO üzvünə çevrilməmiş, bölgəni bu cür toqquşmalara sürükləyirsənsə, ən böyük zərbə İrəvana dəyəcək. Xarici hərbi bazalar və yaxud ordular 30 il ərzində Ermənistanı müəyyən qədər himayə edə bildi. Zaman gəldi, döyüş meydanında ordumuz Ermənistan silahlı qüvvələri ilə üzbəüz qaldı və onları əzdi, qələbə qazandı. Ərazilərimizi azad etdik, həmin torpaqlara bayrağımızı sancdıq. İndi də Ordumuz Vətənin hər qarışını göz bəbəyi kimi qoruyur. Belə olan təqdirdə NATO-nun regionda yerləşməsi əsla bizim münasibətlərimizin indiki halda müəyyən bir xətt üzrə inkişafına baxmayaraq, gələcək mənada xoş mərama və ya məqsədə xidmət etmir, bunu açıq bilməliyik. Biz qətiyyən həm də onu arzulamırıq ki, burada üçüncü dövlətlər toqquşsunlar.

– Qərbin Cənubi Qafqaz ölkəsi olan Gürcüstandakı son hadisələrə reaksiyası fonunda regionda nə planlaşdırılır?

– Qərb Gürcüstanda keçirilən seçkilərdən bir neçə gün keçməsinə baxmayaraq 8-10-a qədər ölkənin xarici işlər nazirini bir araya gətirib nəticələri tanımayacaq adı ilə onsuz da regionda çox kövrək olan təhlükəsizlik mühitinə zərbə vurur. Biz isə Gürcüstanda ictimai-siyasi sabitliyin tərəfindəyik, xaos və gərginliyi istəmirik. Çünki 300-400 minə qədər azərbaycanlı orada yaşayır. Onlara orada Gürcüstan vətəndaşı olaraq öz həyatlarını qurublar, fəaliyyətlərini aparırlar. Biz heç şübhəsiz ki, transmilli layihələrin o ərazilərdən keçdiyinin fərqindəyik. Azərbaycan, Türkiyə və Gürcüstan arasında hərbi və digər formatlarda üçtərəfli birliklər mövcuddur. Bir sözlə, Azərbaycanın bu gün strategiyası hətta İrəvanı da o xarici dairələrin əlindən almağa yönəlib. Həmin missiyaların əsl üzərində dayanan gerçək hərbi planların açıldığını ən yaxın zamanlarda görəcəyik. NATO-nun indi artıq mavi dəbilqə geyinməyən hər hansı bir taborunu gətirib bu ərazilərdə yerləşdirəcəklər və deyəcəklər ki, Şimali Atlantika qüvvələri erməniləri qoruyur. Bu, olmayacaq. 100 il bundan əvvəl də Amerika emissarları gəlib Türkiyədə yerləşmişdilər, amma ermənilər bundan qazanmadılar, itirdilər. Bölgənin ümumi mənafeyi üçün çalışmaq lazımdır. Azərbaycan da bu yolda lazımı addımlar atır.