“İstənilən ssenariyə hazır olmalıyıq”

Prezident İlham Əliyev yanvarın 10-da telekanallara müsahibəsində ölkəmizə qarşı yeni təhdid və təhlükələrin baş verə biləcəyini istisna etmədiyini, bu səbəbdən də daim ayıq-sayıq olmağın vacibliyini qeyd edib.

Moderator.az-a açıqlama verən siyasi elmlər doktoru, politoloq Cümşüd Nuriyev məsələ ilə bağlı maraqlı fikirlər səsləndirib:

“Ölkədə ən informasiyalı şəxs Ali Baş Komandandır. Çünki həm daxildən, həm də xaricdən ən çox informasiya axını ona istiqamətlənib. Bu baxımdan onun səsləndirdiyi heç bir fikir təsadüfi deyil və bunun ciddi əsasları var. 

Fransa və ABŞ-ın həyata keçirdiyi siyasət Ermənistanın tutduğu hazırkı mövqenin formalaşmasında mühüm rol oynayır. Bu məsələdə İran amilini də nəzər almaq lazımdır. Bəzi xarici ekspertlər də regionun gələcəyi ilə bağlı mütəlif variantlar təklif edir ki, onların bir çoxunda Azərbayacn və Ermənistan arasında yeni qarşıdurmanın yaşanacağı vurğulanır. Bu baxımdan biz istənilən ssenariyə hazır olmalıyıq.

Ancaq həm Ermənistan, həm də onun himayədarları bilməlidirlər ki, Azərbaycanın qüdrətli ordusu var və bu ordu günbəgün daha da güclənməlidir. Bu isə o deməkdir, ölkəmiz istənilən təxribata layiqincə cavab verəcək və öz təhlükəsizliyini yüksək səviyyədə təmin edəcək”.

Seymur ƏLİYEV