Ümidin və kədərin fotosu - Dağıntılar altında axtarılan MÖCÜZƏ...

Günlərdir dünyanın gözü zəlzələ bölgəsindən gələn xəbərlərdədir...

Dünya, demək olar ki, Türkiyə üçün səfərbər olub. Dünyanın hər yerindən - müharibə vəziyyətində olan Ukraynadan, münasibətlərin gərgin olduğu Yunanıstana qədər hər yerdən Türkiyəyə dəstək və yardım gəlir.

Mütəxəssis qruplar dağıntılar altında qalanları xilas etmək üçün zamanla yarışır. Ümidlər hər keçən saat azalır.

Associated Press (AP) beynəlxalq xəbər agentliyinin Antakyadan çəkdiyi kadr bütün dünyanı təsirləndirib və ümid dolu, həm də acı gözləntiləri ortaya qoyub.

AP şəkli oxucuları ilə aşağıdakı qeydlə paylaşıb:

"Antakyada bir ailə çökmüş binanın yanında oturub, dağıntılar altından yaxınlarının çıxarılmasını gözləyir..."

Bu kadr qısa müddətdə dünyanın müxtəlif yerlərində bir çox xəbər platformaları tərəfindən paylaşılıb.