2005-ci ildə hökumətin antiinqilab həbslərini dərindən təhlil edənlər,ilk növbədə prezident İlham Əliyevin başladığı yeniləşmə kursundan imtina edəcəyini düşünürdülər.Real mənzərə həqiqətən mürəkkəb idi.
Bir tərəfədən,12 il öncə Azərbaycanın müstəqilliyinə təhlükə
törədərək ağır cəzaya məhkum edilmiş şəxslərin ölkə əleyhinə beynəlxalq təzyiq
alətinə çevrilməsi, o biri yandan uzun illərin gərgin siyasəti hesabına dövlət
büdcəsinə daxil olan böyük vəsaitlərin ədalətli bölgüsünü təmin edərək yeni
iqtisadi münasibətlər yaratmaq məsuliyyəti bir nömrəli vəzifəyə çevrilmişdi.
Bir-birinin ardınca həyata keçirilən siyasi əvflərlə
keçmişdə ölkənin parçalanmasına səbəb olan simalar azadlığa qovuşdu, çevriliş cəhdində
suçlandırılanların övladlarının ölkəyə dönüşünə heç bir maneə törədilmədi və
milli burjuaziyanın yeni nəslinin formalaşdırılması üçün Iqtisadi İnkişaf
Naziliyinə hökumət içərisində əlahiddə səlahiyyətlər və rol verildi.
İdarəçiliyin ağırlıq mərkəzinin belə dəyişməsi fonunda
Prezident çox uğurlu bir şəkildə iqtisadi siyasətin ağırlıq mərkəzini dəyişdirməyə
çalışarkən, bundan narahat olan komanda üzvləri Fərhad Əliyevin biliyi,xidmətləri
və xaricdə fərqli planlarda qəbulu ittihamlarını irəli sürərək ondan haqlı
olaraq uzaq durmağa çalışırdılar.Lakin yürütdüyü yeni kursda israrlı və qətiyyəli
olan 1-Cİ ŞƏXS ona edilən şikayət və müraciətləri çox ehtiyatla
uzlaşdırır,
kəskin toqquşan maraqların balansını yaratmağa
çalışırdı.
Elə Surətin,Əlikramın,Rəhimin türmədən buraxılmasının
cəmiyyətin başağırısına çevriləcəyini xəbərdar edənlər də, o vaxtkı yarımçıq
qalmış ssenarilərin yenidən işə düşəcəyini və sabitliyi qorumağın mümkün
olmayacağını iddia edən yüksək vəzifə sahibləri də Rəhbərin yenilməzliyi
qarşısında geri çəkilməli olmuşdular.
Uzun müddət ölkəyə başçılıq edərək təkcə qərar və sərəncamları
ilə deyil,həm də xarizması ilə komandası üzərində şəksiz nüfuz qazanan böyük
Heydər Əliyevdən sonra gələcəyi dumanlı görünən Azərbaycan əslində hələ
dayaqları yeni möhkəmlənən başqa bir liderin çoxları üçün tam açılmayan
xarakterilə üz-üzə qalmışdı.
Lakin lənətə gəlmiş inqilab dalğası postsovet məkanında
tüğyan edir və qatarın bizə yaxınlaşması təcili tədbirləri sürətləndirirdi.
NARINCI KÖYNƏKLİ BOZ ADAM
Fərhad Əliyevin antimonopol platformasi həqiqətənmi o vaxt çevrəsinə topladığı
gənc istedadların, Qərb təhsilli liberal intellektualların beyninin məhsulu
idi, yoxsa, bu sadəcə iqtisadiyyatda təmərküzləşməyə çalışan və özəlləşdirməni
şəxsi maraqlarının altına almağa cəhd edən bir nazirin avantürları idi, bunu
indi söyləmək çətin deyil.
Çünki sonralar Amerika səfirliyindən departamentə gedən
məxfi şifrəli depeşlərin açılması islahatçı obrazı ilə xalqa sırınan bir şəxsin
Şeverdnadzenin hakimiyyətində bəslənən “Saakaşvili” olduğu üzə çıxacaqdı.
Ancaq Azərbaycanda narıncı boyadan daha tünd rənglər
vardı.
Ölkəyə gətirilən taxılın 63 faizi qaynatasının sərəncamında
olan,metallurgiya sənayesinə əlini qoyan və beləliklə tikinti sektorunun əsas
konstruksiya silahını inhisara götürən Fərhad Əliyev, üstəlik, Qaradağ sement
zavoduna qeyri-rəsmi qəyyumluq edərkən onun başqa hökumət üzvlərinə qarşı
mübarizəsini sadə vətəndaşların maraqları baxımından izah etməyə yalnız
inqilabi romantistlər çalışar.
Tarixdə olduğu kimi xalqın deyil,məhz özünün,məsələn,
Zülfüqarlı qardaşları kimi uğurlu burjuaziya təmsilçilərindən ibarət sadiq
dayaqlarını yaratmaqdan və bunu bəlağətli “xeyri vətən qalsın” şüarları ilə təqdim
etməkdən yaxşı nə ola blərdi! Dövlət başçısı bütün prosesləri-açıq və gizli məlumatları
təhlil edərək, iki ilə yaxın bir dövrdə onun yumşaq siyasi xarakterini sınağa çəkənləri
dözümü ilə deyil, nəhayət, ”dəmir əli” ilə tərbiyə etdi.2005-ci ilin parlament
seçkiləri qarşsında 62 nəfərlik bir siyahı ilə çıxış edən və həm də iradə zəifliyi
ilə xarici təsirə düşən deyil, konkret hakimiyyət iddiası ilə yaşayan iqtisadiyyat
naziri artıq qarşısında hüdudsuz səbr sahibi olsa da bağışlanmaz cinayətləri
durdurmağı bacaran bir sərkərdə gördü.
İlham Əliyev onun kabinetinə müqəddəs Quranla
silahlanıb gələni məsum sifətdə qəbuldan imtina etdi.
Lakin dövlət təmizlənmiş diversantlardan və fərqli
ssenarilər quran sabotajçı nazirlərdən qurtulsa da islahatları dayandırmağın
yoverilməzliyini hamı yaxşı başa düşürdü.
Çünki ötən əsrin 70-ci illərində qurulmuş ölkənin
bütün infrastrukturunu təzələmək,onu xarici rəqabətə hazırlamaq, sahibkarlıq
sinfini gücləndirmək,bir sözlə neft dollarların ədalətli bölgüsünü təmin etmək
lazım idi.
Prezident bizneslə siyasi iqtidar arasında ittifaq
yaratmaq vəzifəsi qarşısında olduğunu çox yaxşı bilirdi.
Lakin bütün ölkələrdə siyasi hakimiyyətlə sıx
çulğalaşmış və geniş himayə sisteminə söykənən iri burjuaziyanın formalaşması
üçün çoxlarının azad bazar prinsiplərinə zidd saydıqları təcrübədən yan keçmək
bizdə də mümkün ola bilməzdi.
Elə isə indi dövlətçilik modeli bütün dünyada öyrənilən
Amerikaya nəzər yetirməyimiz yerinə düşər.
AMERİKA-“AÄž”LAR
ÜÇÜN AÄžLAYAN QARALAR
Varlı
adamlar idarəçiliyin bütün sferalarında üstünlüyü qazandıqlarına görə çoxları
Birləşmiş Ştatlarının klassik dövlət konstruksiyasına deyil, daha çox
korporasiya quruluşuna uyğun gəldiyini deyirlər.
Düzdür,
sadə insanlar içərisində yuxarıda oturanların yoxsul keçmişi və onlarla eyni
olan ictimai mənşəyi haqqında əfsanələr dolaşır,lakin bütün seçkilərdə
dominantlıq qazanan hər iki partiyadan olan namizədlər bir-biriləri ilə yaxşı
tanış olan müxtəlif iqtisadi qrupların üzvləridir.
Məsələn
1918-ci ildə yaradılan Beynəlxalq Əlaqələr üzrə Şuranın sıralarında birləşən
1450 üzvün 60 faizini irsi var-dövlət sahiblərinin nümayəndələri təşkil edirsə,
qalanları da beyin mərkəzi və siyasi institutlardan, həmçinin partiyaların
liderlərindən ibarətdir və gələcək dövlət katibləri, müdafiə nazirləri, Ağ Ev
kabinetinin üzvləri, Mərkəzi Kəşfiyyat İdarəsinin rəhbərləri də məhz oradan
seçilərək təyin olunur.
Beləliklə,hökumətdən
siyasətə və ya əksinə keçənlərin sayı on minlərlədir.Nəticədə prezidenetliyə gələn
şəxslər böyük korporasiyaların mənafeyindən çıxış edənləri komandalarına cəlb
etməyin alternativini görmürlər.
Məsələn,
dövlət başçısı Ford adını çəkdiyimiz Şuranın 14 üzvünü administrasiyasında yüksək
görəvlərə gətirmişdi, prezident Karter və onun müavini vaxtilə dünya siyasətinə
güclü nüfuz edən Üçtərəfli Komissiyanın üzvləri olmuşdu, prezident Reyqanın da
hökumətində sözügedən imtiyazlı təbəqənin nümayəndələri investisiya şirkətlərindən
və Nyu York banklarının direktorlarından olmaqla 12 nəfər müşavir sifətilə
çalışmaqda davam edirdilər.
Bir
sözlə, hətta böyük depressiyalardan xalqını çıxarmağı bacararaq iqtisadi möcüzələr
yaradan lider Franklin Ruzvelt belə iri burjuaziya ilə xırda sahibkarlar ordusu
arasında manevr etməklə bu həssas təbəqələri əldə saxlamağa çalışır,onları
siyasi qərar sahibləri ilə üzvi şəkildə birləşdirməkdən vaz keçmirdi.
Ona
görə biznesin dövlətdən ayrılması və “azad bazar özü idadə edir” fəlsəfəsi
yalnız yaxşı uydurulmuş nağıldır. Almaniyada Xristian demokratlarla Sosial
demokratların iqtisadiyyatın hansı sektorunu himayə etdiklərini bilməyən çox az
adam var.
Yaxud,
demokratiya ənənələri oturuşmuş Türkiyədə hökumətə yalnız qaydaları və şərtləri
müəyyənləşdirən, hamıya bərabər imkanlar yaradan bir institut kimi baxmağı heç
kəs ağlına gətirmir.
Təkcə
hökumətdə deyil, qanunverici orqanda, məsələn Konqresdə,yaxud Ali Məhkəmədə təmsil
olunan insanların böyük ordusu yüksək təbəqələrdən çıxdğına görə kapitalizmin
demokratiya və varlılar arasında bərabərlik işarəsini qoyduğuna əmin olursan.
Diqqət
etdinizsə, biz məqsədli şəkildə Rusiyadan söhbət açmadıq.
Bu
ölkənin sovet keçmişi və təhkimçilik mədəniyyəti tamam ayrı söhbətin
mövzusudur.
Ona
görə də SSRİ dağılandan sonra ümumxalq mülkiyyətini ələ keçirən xodorkovskilərin
vəhşi kapilazmin imkanlarından bəhrələnməsinin qarşısının alınmasına və onun
uzun müddətli həbsə məruz qalmasına təkcə Putinə tabeolmazlıq,qeyri-məhdud müstəqlillik
hadisəsi təki yanaşmaq düzgün deyil.
Belə
geniş misallardə niyyətimiz 2015-ci ilin Azərbaycanında məhkəmə qarşısında
dayanan adamları qurbanlıq kimi qələmə verməyin və onların qərbli,yaxud rusiyalı
prototiplərini
axtarmağın yanlış olduğunu göstərməkdir.
PULSUZ
NAZİRLİK OLMUR
Əslində
Beynəlxalq Bank özünün təşkilati-idarəçilik və maliyyə resurslarının
formalaşmasına görə klassik bank sistemlərindən xeyli fərqlənir.
Orada
təkcə əhalidən müxtəlif faizlərlə toplanan depozitlər,yaxud çeşidli xidmətlərdən
əldə olunan gəlirlər deyil, həmçinin dövlətin 51fazilik səhm paketinə aid olan
külli miqdarda vəsaiti cəmləşir.
Ona
görə iqtisadiyyatın əsas yönləndiricilərindən birinə çevrilən Bank müvafiq
iqtisadi nazirliyin qeyri-rəsmi alternativi kimi çıxış edir.
Gerçəkdən
də əgər iqtisadi inkişafa məsul olan Hökumətin müvafiq qurumunun sərəncamında
olan vəsait 1 milyard manatı keçmirsə, əvəzində onun rəqabət partnyorunun əlində
8 milyard manatdan artıq maliyyə resursu dolaşırsa, onda dövlətin vahid siyasətinin
təkcə bir mexanizm vasitəsilə aparılmadığını açıqca söyləyə bilərik.
Bununla bərabər,parlamentdə hesabat verməyən və beləliklə də bütün əməliyyatları
qapalı olan bir struktur haqqında iqtisadi təhlillər aparmaq çox çətindir.Yəni,indi
dövriyyəyə çıxan informasiyalardan çıxış etsək, bəlli olur ki, Sahibkarlığıa
Yardım Fondu xəttilə maksimal məbləği cəmi bir neçə milyon olan layihələrin
kreditləşməsi ilə müqayisədə,”ikinci nazilrik” əlverişli nəzarət mexanizmləri
olmadan külli miqdarda vəsaitləri səmərəsiz layihələrə yönəltməkdə davam edib.
Ölkədə
heç bir özəl maliyyə qurumunun üst-üstə gəlinən nizamnamə kapitalı belə ümumi
bazarın cəmi 15 faizini təşkil edib. Əsil “kredit monstrı” meydana çıxıb,
deyilmi?
Son
illər Mərkəzi Bankın məlum tələblərindən sonra kredit portfeli genişlənən
qurumlar bazardakı vəziyyəti çox yox, qismən dəyişə biliblər
Deməli,
mühüm istehsal layihələrinin, minlərlə iş yerinin,qabaqcıl texnologiyaya
dayanan və xaricə məhsul çıxara bilən zavodların necə deyərlər, ” yanacaq mənbəyi”
olan bank qlobal iqtisadi böhran zamanından keçsə də ölkədə milli valyutanın
kursunda kəskin dəyişiklik imtahanından çıxa bilmədi.
Bəli,
21 fevral devalvasiyası iqtisadiyyatın xəstəliklərini və zəif nöqtələrini
aşkarlamağın yaxşı testinə çevrildi.
Məlum
oldu ki, məsələn, sərt öhdəliklərlə yazılan planlara dayanaraq verilmiş kreditlər
ölkədə maliyyə bazarındakı qeyri sabitliyin başlıca səbəblərindən birinə
çevrilib.
PULLA PUL ALMAQ- HƏR ƏSRİN ƏN YAXŞI BİZNES LAHƏSİDİR
Belə
bir mənzərini göz önünə gətirin. Nizami Piriyev adlı uğurlu bisnes adamı, özü də
kapitalını ona qədər xaricdə qazanan şəxs gəlib xeyli rentabelli layihəni təqdim
edir,üstəlik, özü ilə Qərbin siyasi meydanında sabiq baş nazir olmasına
baxmayaraq, yenə də aktiv çalışmalarla qalan Toni Bleyerə 60 min dollar ödəyib
onu biznes ideyasının populyarlaşmasında bir şitə çevirir, elə isə nədən 100
milyon manat kredit belə uğur vəd edən layihəyə verilməsin?
Əlbəttə,
dərhal burada yüksək siyasi iradədən və xeyir-duadan söhbət açacaqlar.Qoy
olsun, məgər bu cür cazibadər planlara dəstək vermək rifaha can atan hər bir
hakimiyyətin başlıca vəzifəsi deyilmi?
Lakin
görün sonra nə baş verir. Əvvəlcə müəssisənin birinici smetadan qat-qat aşağı
başa gəlməsi üçün tapşırıq verilir, sonra Neft Şirkəti belə şərtlərin onun büdcəsinə
zərbə vurduğunu görərək güzəştli yanacaq təminatını nəzərdə tutan müqaviləni
dayandırır və metanol zavodunun istehsal gücü haqqındakı ilkin astronmik rəqəmlərdən
ibarət sənədləri bir kənara tullayıb,bankla hesablaşmağın yeni yollarını
tapırlar.
Necə?
Çox sadə.
İnsanların
şəxsi həyatlarında qarşılaşdıqları nadir hallardan biri də budur.
Yəni,
qonşunuz sizə borcludur. Yox, xoşbəxtlikdən o, iflasa uğramayıb, əksinə,sizin
verdiyiniz pulla orta səviyyədə çalışan bir obyektə malikdir, üstəlik, sizin
paralarınız onun sürətlə qərbli oliqarxların yaşam aksessuarları ilə zənginləşməsinə
səbəb olub.
Gördüyünüz
kimi, dövlət pulları şəxsi rançoların, yaxtaların, vertolyot və xaricdəki
villaların ödəmə çeklərindən keçib.
Bəs
artıq tələb olunan vəsaiti qaytarmaq lazımdır axı.
Bax
onda Bankın-əslində dövlətin pulları təzədən daha 100 milyon manat miqdarında həmin
adama verilir ki,o gedib həm köhnə borcunu və üzərinə gələn faizini bağlasın, həm
də daha bir ilə əlavə vaxt qazansın.
Beləcə,
qaytarmaq öhdəlikləri hər ay təsbit olunan müştərilər-ödəyəcəkləri son ili indi
millətə bəyan etməklə guya heç bir günahı olmadıqları haqda rəy yaratmağa
çalışırlar.
Beləliklə,
bildiyimiz borclu brendlər bunlardır:PNN Group-320,Kingsway Trade LLP-318,
Riad-Farm 200 milyon,Avesta 78,İnter-Qlass 50,Şəki-İpək və digər milyonluq
kalaoqlar..
Reallıqda xüsusi imtiyazlı bir təbəqə meydana çıxıb və indi onların mühakimə
olunmasına calışan dövləti şantaj etmək üçün müxtəlif çeşidli vasitələri-çirkli
təbliğatı işə salıblar.
Əvvəla həbs olunanların adına sadə vətəndaş üçün anlaşılmaz “oliqarx” terminilə
müraciət olunmasını hardasa başa düşmək olar.
Çünki
onlar klassik mənada vəzifə tutub birbaşa biznesi idarə edənlər olmasa da,
dolayısıla yüksək mövqe tutan hökumət üzvlərinə yaxındılar.
Lakin
qədim tarixdən gələn bir məşhur termini burada xatırlatmaq yerinə düşər.
O məfhumun
adı indulgensiyadır.
Sadə
xalq dilinə çevirsək,vaxtilə katolik kilsəsinə gedib qapalı hücrələrdə dua edərək
günahlarının bağışlandığını düşünən adamların sonralar protestant
Yunanıstanında yeni davamçıları peyda olmuşdu.
Belə
ki, kilsə müəyyən məbləğ müqabilində bankirlərə, siyasətçilərə,hətta elm
adamlarına “günahsızlıq qəbzi” təqdim edir və onlarla beləcə “toxunlmaz kasta”
üzvü kimi davranmağa başlayırdılar.Son həbslər fonunda guya harayasa müəyyən
gizli ödənişləri olan, mal və məhsullarını aparıb-gətirərkən haqsız tələblərlə
qarşılaşan və yüz milyonluq kreditlərdən kiçik ayırmalarını dövlətlə sövdələşmə
kimi qələmə verərək böyük cinayətlərinin üstünə bundan pərdə düzəldənlərin
geniş bir dəstəsini görürük.
Cinayətkarın
müdafiə ideologiyası və “dəmir məntiqi” belədir-əgər örtülü bazarlıqlar olubsa,
onda bizi heç kəs məhkəməyə gətirə bilməz.
Axı
onda çoxlu sirləri faş edərik.Mühüm dövlət sifarşlərini nə yolla qazandığımızı
açarıq, tenderlərdəki bağlı surqucları necə qırdığımızı ortaya qoyarıq və beləliklə,ölkədə
hamının bizə borclu olduğunu sübut edə bilərik.
Nə
olsun, kredit resursunu ötən ilin dekabrdan bu yana həm də ”manatla avronun
kursu bərabərləşməlidir” anonsundan sonra yerinə yetirməli olduğumuz əsas layihələri
buraxıb dollar almağa yönəltmişik, necə deyərlər, zəhmətsiz gəlir, əməksiz mənfəət,
istehsalısz qazanc əldə etmişik, pulla pul almışıq, lakin əvəzində dövləti özünə
işlətmək hər zaman cəzasız qalmalıdır.
Bax
belə,”dövlətsiz,yoxsa dövlət sizsiniz, ”günahsızlıq qəbzi” olan adamlar, deyə
soruşulucaq, dindiriləcək bir ortam meydana çıxıb.
Lakin prezident bu mürəkkəb şahmat partiyasının ağırlıqlarını-yəni,imtiyazlı
kreditorlar dairəsini, onların çevrəsindəki sadə insanları, dövlətin müdaxiləsi
haqqındakı ittihamları və ən əsası, müxtəlif mənbələrdən ictimai fikrə
çıxarılan informasiya axınlarını uğurla, qətiyyətlə dəf edərək 2005-ci ildəki
kimi “günahsızlıq qəbzi” almış heç bir qrupun olmadığını Azərbaycan cəmiyyətinə
göstərməyə çalışır.
”Onların
arxasında çoxlu himayəçilər var”, deyənlər məntiqlərinin son hadisələrdə işləmədiyini
yaxşı görürlər.İndi sual olunur.həqiqətənmi varlılar mühakimədən kənar qalmaq
üçün xüsusi vauçerlərə malikdilər?
Bəs
kasıb kreditorlar nə etsin?
“BANDOTDEL” ADLI QURUM YOXDUR
Bu yerdə ayrıca vurğulamağa dəyər: burjuaziyaya nifrət
aşılayan bolşevik nəzəriyyələrini təkrarlamaqdan,varlıları hədəfə çevirməkdən qətiyyən
söhbət gedə bilməz.
Çünki hamını kasıb və bərabər edən quruluşların tarixdə
aqibətini yaxşı görmüşük.Dövlət təminatlı insanlarla güclüdür və hər kəsin
mal-mülk varlğını qorumaq müqəddəs vəzifədir,siyasi sabitliyin əsasıdır.Ancaq ədalət
hamı üçündür!
Ölkədə 2.2 milyon nəfərin kredtt borcu 2 milyarddan
yuxarıdır.
Bunun nə qədər hissəsinin Beynəlxalq Banka məxsus olduğunu
demək çətin olsa da, son rəqəmlər müəyyən qədər aydınlıq yaradır.
Söhbət ondan gedir ki,korporativ kreditlər-yəni,hüquqi
şəxslərə verilən vəsaitlər yuxarıdakı rəqəmin 90 faizini təşkil edir.İndi onun
nə qədər hissəsini dəyərsizləşmiş,yəni vaxtı keçmiş saymaq lazım olduğunu
yalnız son həbsləri həyata keçiriən Mütəşəkkil Cinaykarlığa qarşı mübarizə İdarəsi
bilir.
Yeri gəlmişkən,sonuncu qurumun Daxili İşlər Nazirliyinə tabe olması ən azı iri əməliyyatlarla
keçmişdə böyük fırıldaqlar törətməyə çalışanların qarşısında duran mühüm bir
strukturun-sadə xalq içərisində “Bandotdel” kimi tanınan təşkilatın hüquqi
varisi olduğunu heç də hər kəs bilmir.
1994-cü ildə Ulu Öndər o zamanlar ölkədə iqtisadi
özbaşınalıqların, dövlət əmlakını ələ keçirənlərin qarşısını almaq üçün məhz
belə bir əsaslı qərar vermişdi.
Sonralar dövlət-vətəndaş münasibətlərinin dəyişməsi
fonunda təkcə ad deyil,həm də ciddi struktur yeniləşməsinə gedən İdarənin
hazırki dindirmələrə bilavasitə,qanunvericilik üzrə hüquqi səlahiyyəti var və
onu “Bandotdel” adlandıranlar sadəcə yeni müdafiə ideologiyası
uydurublar.
Guya müasir demokratlar Milli Təhlükəsizlik orqanına
“Yejovun idarəsi” deyəndə onu təhqir edirlər.
Halbuki, həbs olunanlara məhkəmə qərarı ilə cəza
verildiyi halda,ictimai əmlakın ələ keçirilməsinə, çirkli pulların
yuyulmasına,həmçiinin dövlət vəsaitlərinin təyinatından kənar istiqamətdə xərclənməsinə
nəzarət eyni zamanda DİN-in müstəsna haqlarından biridir və bunu şantaj edərək
cəmiyyətə fərqli biçimdə çıxaranlar sahibkarlarda vahimə və xof hissini gücləndirməyə,
iri kapitala guya təhlükə olduğunu qabartmağa, ən əsası, dövləti reyderlikdə
ittiham etməklə cəzasızlığa şərait yaratmağa ümid bəsləyirlər.
Yəni, iqtisadi deyil,polis qanunlarının tətbiq
olunduğunu müstəqli biznes fəaliyyətinə basqı kimi qələmə vermək sən demə böyük
maliyyə xəyanətlərini gizlətməyin və insanların gözündə immunitet qazanmağın ən
yaxşı vasitəsi olub.
Bəs onda sual olunur-məbləği 100 min manatı keçməyən
yüklər altında olanların girov qoyduqları evlərini hərraca çıxararkən həmin
insaf hissi, yaxud ədalət duyğuları harada qalmışdı?
Belə çıxır ki, hüquqi cəzalar yalnız kasıblara tətbiq
olunmalı,100 milyonluq kreditlər üstündə yatanlar isə ayrı qanunlar ölkəsində
yaşamalıdılar?!
Halbuki cəmi 78 milyon dollar borcu olduğunu etiraf edən
qədim Avestanı Xəzər adalırında quran Hacı İbrahimin qaytarmadığı pullar dövlətin
ipoteka yolu ilə evlə təmin etmək istədiyi insanların pulundan-50 milyon
manatdan 1.5 dəfə çoxdur.
O vəsait Elmin İnkişafı və Bilik Fondunun birlikdə
büdcəsindən 7 dəfə artıqdır.Əgər Beynəlxalq Bankın qaytarılmayan borcları 6
milyard manata bərabardisə,onu Azərbaycanın birillik büdcəsinin üçdə biri
saymaq olar.
Onunla hər il orta məktəbi qurtararaq əmək və ev
bazarına daxil 130 min gəncin həyat qayğılarını tamamilə həll etmək olardı.
Yaxud,silahlı qüvvələrdə on ildir növbəsini gözləyən hərbi
qullluqçuların mənzil problemi birdəfəlik yoluna qoyulardı.
Astronomik rəqəmlər üzərində ehtimallarınız yəqin çox
uzağa gedəcək.Lakin varlıların mühakiməsinə qarşı çıxan və onu dövlət reketi
adlandıranların mənəvi ”“siyasi simasını da görmək pis olmazdı.
MÜASİR DÖVRÜMÜZÜN BOLŞEVİKLƏRİ
Bundan ötrü, bütün dənizin suyunu içməyə ehtiyac
yoxdur.
Son iki ildə, xüsusilə 2013-cü ilin prezident seçkilərində
iqtidar əleyhinə bir bayraq altına toplaşanların ittiham platformasını
xatırlatmaq kifayətdir.
Onlar hətta Hitler Almaniyasının vaxtında nasistlərin
kütlələrə verdiyi vədlərdən belə vaz keçməmişdilər.
Məsələn,Arif Hacılı İctimai radio ilə xalqa səslənərkən
bütün bölgələrdə açılmış “nisyə dəftərlərini və borc kitablarını” bağlamağın, əhalinin
kredit öhdəliyi kimi hallandırılan 5 milyard manat vəsaitinin varlıların əmlakını
müsadirə etməklə qaytaracaqlarını deyirdi.
Hətta bundan ötrü Badamdardan başlayaraq, bir çox
bahalı yerlərdə konkret siyahıya almaların aparıldığını da söyləyirdilər və
Leninin qolçomaqlara qarşı hücum planını hakimiyyətə gələn kimi tətbiq etməyə
hazır idilər.
Mülkiyyətin yenidən bölüşdürülməsini vəd edən bu
siyasətin təhlükəsini nəinki imkanlı şəxslər, eləcə də sadə adamlar yaxşı dərk
edirdilər.
Özəlləşdirməni yenidən keçirmək iqtisadi təhlükəsizliyin
altına qoyulmuş bomba olardı.Özü də dövrümüzün bənzərsiz “sosial
demokratları”nın rəhbəri vaxtilə hakimiyyətdən qovulmuş adamdan ən adi bəxşeyişlər
almaqdan imtinaya gücü çatmamışdı.
Alim və deməli,təmiz əqidə adamı libası altında gizlənmiş
Cəmil Həsənli Fərhad Əliyevin onun övladının təhsil haqlarına yardımını, maşın
xərcini və yaşadığı evin zirsəmisini aktlaşdırıb ona verməsinin qarşısında
duruş gətirə bilməmiş, mənsub olduğu partiyanı regional liderə dəyişərək yeni
“partiyaya” keçmişdi.
Çox sonralar bu ittihamlardan qaçmaq üçün Elçibəyin
“kristal müşaviri” belə deyəcəkdi-hamının qazandığı milyonlara baxanda bunlar nədir
ki?
Belə yerdə həqiqi alim adına layiq olan və təmənnasızlıq
etalonu kimi tanıdğımız yüksək ziyalı Çapay Sultanovun indi artıq həyatda
olmayan bir hakim partiya təmsilçisinə dediyi sözlər yada düşür:
"ona şərait yaratsalar, bütün ölkəni rüşvət kimi
qəbul edər və bunu normal sayar.Çünki o, mədəni korrupsionerdir-yardımları mənzil
şəklində natura olaraq qəbul edir!"
İndi bu adamlar kredit milyonçularına sahib çıxmağa çalışır. Prinsipsizlik buna
deyilir.
Vaxtilə hakimiyyəti iş adamlarına qeyri-bərabər şərait
yaratmaqda qınayırdılar, proteksiyaçılığı-dövlət qəyyumluğunu azad bazara təhlükə
sayırdılar, indi özəl mülkiyyətin hakimiyyət tərəfindən yağmalandığını iddia
edib öz “bloqosfer dünyalarında varlılara yardım” cəbhəsi açıblar.
Halbuki bu ölkədə bütün iş adamlarının müttəfiqi ilk
növbədə prezident İlham Əliyevdir.
Azərbaycanın hər bir vətəndaşınn təhlükəsizliyi onun
çiyinlərində qərarlaşıb.Mühüm beynəlxalq iqtisadi müqavilələr, hərbi
anlaşmalar, Qarabağ cəbhəsində atılan hər güllənin təminatı xalqın inandığı bir
liderin şəxsiyyətində cəmləşib.
Adi vətəndaşa verilən sosial müavinət də,ünvanlı
yardım da,böyük iş adamlarının 100 milyonluq layihələri də vahid bir
kursun-respublika rəhbərinin qəraralrının yekunudur.
Yetər ki,kimsə özünü əlahiddə statusda və daimi əvf
duyğusu altında,cəzasılıq naturasında hiss eləməsin.
Lider təkcə varlıları kasıblardan deyil,həm də
lümpenproletarları burjuaziyadan qoruduğuna görə xalqını idarə edə bilir.
Vaxtilə Qərbdə uğurlu dövlət formulunu “canavarlar tox olsun,quzular da şikayət
etməsinlər” kimi görənlər vardı.
Amma gərək canavarlar da quzuları yeməklə bərabər,
boğazlarından tutub boğmağa,yediklərindən artıq tələf etməyə çalışmasınlar!
İki əsr əvvəl böyük əsərləri ilə dövrünün mürəkkəb hakimiyyət səlnamələrinə
işıq salan iitalyan alimi Nikolo Makiavelli “dövlət başçısını sevsələr,yoxsa
qorxsalar, yaxşıdır” dilemması qarşısında qalmışdı.
Ötən yüzildə bu suala ictimai quruluşundan asılı
olaraq hərə bir cür cavab verib.
54 yaşlı İlham Əliyevsə özünün gənc, həm də uzun
ömürlü və dəqiq hədəfləri ilə seçilən siyasətini həyata keçirərkən millətinin
sevgisinə istinad etdiyindən Ona xalqın etimad krediti misilsizdir.sonsuzdur!
Ona görə də insanlıq naminə hər birinizə azadlıq arzuladığımız sevgili
milyonçular,siz də hər gün daha yeni olan bir dövlətin tikilən binasına və
Ucalan Bayrağının kölgəsinə bir daş qoya bilmədiyiniz yerdə, heç olmasa, daşnak
da qoymayın!
Zahid Oruc,
Millət vəkili