12 yanvar tarixində ANS telekanalında Azərbaycan tarixinin şanlı səhifələrini az qala çağdaş tarixin nimdaş örpəyinə büküb ört-basdır etməyə çalışan şəxsləri gördük. Öz tarixlərini 1038-ci ildən əsası qoyulmuş Səlcuq imperiyasıyla başladıb az qala 1157”“ildə onunla da bitirən oğullara daha sözüm yoxdur. Babək Xürrəminin qəhrəmanlıq salnaməsini Böyük Alvan tarixinin naməlum salnaməçisi Movses Kalankaruyski, digər adı Movses Kalankatvatse, yaxud Moisey Dasxuranlı və ya Moisey Xorenski uydurmalarına əsaslanıb tərcümə edən Sumbatyanın təfsirinə necə də uyğunlaşdırdınız?

 Babəki, oğru, yolkəsən, qadınbaz, qaniçən və bu kimi başqa iyrənc sifətlərlə təqdim edən Ərmənin nəcasətli qələmi qarşısında aciz qalan xalqıma yazığım gəldi. Hanı bizim elimlər doktoru adı alan tarixçilərimiz, nə üçün susurlar ? Tariximizi alçaltmaq mənəviyyatımızı alçaltmaq deyilmi ? Niyə onlar ortaya çıxıb hədyan danışan özünü ziyalı hesab edən bu bir ovuc zümrənin layiqli cavabını vermirlər? Niyə onlara izah etmirlər ki, Böyük Van atamızın yurdu böyük mədəniyyətlərin beşiyi olub və bu xalq o müqəddəs soydandır . Hətta dünya mədəniyyətinə sirli, misilsiz incilər bəxş edən Misir mədəniyyəti belə bu millətin ulu babalarının xidmətidir.

 Bəli, mədəniyyətini, ideologiyasını, incəsənətini və bütövlükdə intellektini şanlı Azərbaycanımızdan götürən qədim Misir svilizasiyası məhz Van elimizin soyundandır. Fironların ilan təsvirli tacları, yurdumuzun Amoralılar zümrəsinin Mar-Tu (mariut) ilanından doğulmuş simvoludur. Bunun etiraf edildiyi tarixi sənədlərdə Qor-Xuda yolu ilə şərqdən gələn bir xalqı işarət edən kifayət qədər sübutlar var. Amoralılar isə Misirdə Amon-RA Allahına etiqad edən etnosu formalaşdırıb. Bütün bunlar Osirus/Ozer-/ Azər yurdunun qoynunda törəmişlər.

Hətta müqəddəs Tövrat doğma elimizi Azər kimi təsvir edir. Özünü ziyalı kimi göstərən bu zümrə anlamalıdır ki, dinimizi, elimizi, peyğəmbərimizi, onun əsabəsini təhqir edən, doğuluşu və ölümü bilinməyən, əsərlərində ancaq erməni tarixçilərinə, onların uydurma mütəffəkirlərinə istinad edən, ön plana çıxaran Mövses Kalankatvatsenin salnaməsi (kitabı) dünya tarixçiliyi üçün obyektiv sənəd kimi qəbul edilsə də doğma elimizə qarşı iftiradan başqa bir şey deyil. Kalankatvatsenin “ИСТОРИЯ АЛБАН” МОИСЕЯ КАЛАНКАТУЙСКОГО salnaməsi (kitabı) əsasında Azərbaycan tarixini yazmaq bizə şərəf gətirməzdi, gətirmədi də.

Sonradan qonşuların təxribatına uğrayan yurdumuzun Alvan adı Aquan, Aluank, Aqvan və Alban kimi təvsir edilmiş, onun ismi altında bütün batini özəllikləri, həqiqətləri gizlətməklə dünya xalqlarına,elminə, mədəniyyətinə qarşı cinayət işlətmişlər. Öz həyatı belə müəmmadan ibarət olan bu adam guya Alban hökümdarı Mehranilər sülaləsindən olan Cavanşirin göstərişi ilə özünün parlaq dövrünün inikasını qələmə almışdır . Necə ki, Cavanşir hökmdarla bir dövrdə yaşayan Xoren adlı salnaməçinin IX əsr barədə tarix yazdığı heç kəsə təəccüblü görünmür. Bu da Alvan Hökümdarı Cavanşir barədə qələmə alınmış xronologiya, baxın və qiymət verin !

642 ”” 681 hökümdarlıq dövrü

Tacqoyma: 642

Sələfi: Varaz Qriqor ?

Xələfi: I Varaz Trdat ?


Milliyəti: alban

Dini: Ortodoks xristian ?

Təvəllüdü: 28 sentyabr 616

Vəfatı: 681

Dəfn yeri: Girdiman qalası

Sülalə: Mehranilər

Atası: Varaz Qriqor ????

Əgər bizim o zaman xristian olduğumuzu dəlil gətirmək istəsəniz, və bunu xaçla əlaqələndirsəniz, unutmayın ki, xaç (ALVAN xaçı) xristianlıqdan çox əvvəl mövcud idi. Xristianlıqda İsa Məsihin xaça çəkilməsi bu qaranlığı aydınlaşdıran dəlillərdəndir. Sözsüz ki, Hz. İsanın sonradan çarmıxa çəkilməsi xaçı daha da müqəddəsləşdirdi. Alvan Xaçı adlandırılan xaç mistik əlamət olaraq kainat və yerin tarazlığını, vaxtı və zamanı işarətləndirən simvoldur. Hətta Əfsanəvi Atlantidanın Cəbəllütarix boğazıda deyil, yurdumuzun Tilos (indiki Talış) dağları üzərində səmalarda xəlq edilmiş sirli Xüld cənnəti barədə müqəddəs Quranın Furqan surəsinin 15-ci ayəsində bir hökm; Aləmlərin Rəbbi olan Allahdan açıq aydın ayə və tutarlı bilgilər var.

Bəs, Peyğəmbərlər atası, Nuh sivilizasiyasının Tövhid təfəkkürünün şöhrətli banisi, ALLAH-ın dostu İbrahim ə.s-ın atası Azər adını hansı tarixə yazaq, əziz “ziyalılar”? Tarix elminin banisi antik tarixçi Herodot Odisey eposunun (xüsusilə təpəgöz fraqmenti) müəllifi Homerin öz mövzusunu Kitabi Dədə Qorquddan götürdüyü təsdiqləmişdir.
Bu gün bir çoxları Midiyanı fars kökənli etnos kimi təqdim edirlər. Halbuki tarixinə nəzər salsaq aydın olar ki, onlar bu günkü azəri xalqı olmuşlar. Bunu indiki İran ərazisində yaşayan insanların etnik kimlikləri də təsdiq edir. Təsadüfi deyil ki, bu gün İran torpaqlarında cəmisi on milyon fars, qırx milyona yaxın isə Azərbaycan türkü yaşayır. Özünüz fikirləşin, bu gün on milyon olan fars o zaman neçə yüz nəfər olub? Məntiqlə farslar o zaman kiçik etnik qrup olublar. Bunu nəzərə alsaq Midiya əhalisinin aparıcı etnosunun Azərbaycan türklərindən ibarət olduğu ortaya çıxar. Müqəddəs Evan və tarixdə heç kəsə məlum olmayan Aybinlər nəslinin hansı qandan törədiyi və necə yarandığı bilinmədiyi halda ANS-dəki bu müzakirələr qaranlığa daş atmaqdır və günahdan başqa bir şey deyil.
Cismləri və insanları isimləndirən Van ATA-nın (Qorqut ATA, Dədə Qorqut) həqiqətlərinin bütün səmavi kitablarda hansı adla gizlədildiyini və əfsanəvi QAF dağının sirlərini də bilməyin zamanı artıq yetişib. Bunu bütün dünyanın bilməsi vacibdir ki, doğma vətənimizə ayaq basan hər bir əcnəbi çarıqlarını çaxarsın və bu yurda ehtiram etsin !

Tariximizə çirkab atanlar anlamalıdırlar ki,əgər orta əsrlər tarixini tədqiq etsək, bu torpaqlar tarixən oğuz türklərinin məskəni olub. Dunyanın harasını qazsan ordan qədim oğuz türkünün qalıqları cıxar. Oğuz elinin içərisində isə Ərmən dövləti haqqında heç işarət də olmamışdır. Oğuzlar Avropadan Asiyaya, Asiyadan yenidən Avropaya yürümüşlər.
Oğuz türklərinin yaşadığı ərazilər: