Nəsimi Ağababayevin keçmiş həmkarı inanılmaz faktlar açıqladı
Azərbaycanın Özbəkistandakı səfirliyinin konsulu Nəsimi Ağababayevlə bağlı yeni şok məlumatlar var. Bu məlumatlar Gunxeber.com-a göndərilən məktubda öz əksini tapıb.
Qeyd edək ki, bir
neçə gün əvvəl də N. Ağababayevlə bağlı sensasion məlumatlar yayılmışdı. Həmin
məlumatlarda hətta konsulun axşamlar səfirliyin binasına yüngül əxlaqlı
qadınlar gətirdiyi bildirilirdi. Bundan başqa onun ünvanına digər ciddi
ittihamlar da var idi.
İndi göndərilən məktubun da təhlükəsizlik baxımından şərti adla yazıldığı qeyd olunur. Xarici İşlər Nazirliyinin ictimaiyyətlə əlaqələr şöbəsinin rəhbəri Elman Abdullayevə ünvanlanan həmin məktubu bəzi redaktələrlə təqdim edirik:
"Son zamanlar Azərbaycan qəzetlərində Özbəkistandakı Azərbaycan səfirliyinin müşaviri və konsulu Nəsimi Ağababayev haqqında gedən məqaləni oxuduqca bir azərbaycanlı kimi ürəyim ağrıdı. Mən də həmin səfirliyin keçmiş əməkdaşıyam və bir müddət əvvəl Ağababayevin dırnaqarası xidmətləri sayəsində öz işimi buraxmaq məcburiyyətində qalaraq Azərbaycana qayıtdım.
Düşünürəm ki, siz də mənimlə razı olarsınız ki, onun necə insan olduğunu nəinki Özbəkistanda, Xarici İşlər Nazirliyi sistemində hamı yaxşı bilir. Hamı mənə özümü o adamdan gözləməyi və ehtiyatlı olmağı dedi. Amma özümü qoruya bilmədim. Elə ilk mərhələdə Ağababayev məni qaraladı və elə kirli işlər tapşırdı ki, artıq məsələnin nə yerdə olduğunu anladım. Lakin mənə geriyə dönməyə yol qoymadı.
Oradakı bütün diplomatların son ümidi sizsiniz. Sizdən bu müraciəti cənab nazirə çatdırmağınızı xahiş edirik. Səfirliyin ərazisində diplomatların ailələri, xanımlarımız, uşaqlarımız yaşayır. Bura əxlaqsız qadınların gətirilməsini biləndə hamı şoka düşmüşdü. Çox keçmədi ki, Ağababayevin bu hərəkətindən və cəzasızlığından ruhlanaraq digər bir texniki işçi də bu hərəkəti təkrar etdi.
Oranın rəhbəri səfirliyi öz şəxsi tarlası kimi işlədir. Diplomatların elementar hüquqları pozulur.
Orda kollektiv arasında qeyri-sağlam mühit siyasəti yürüdülür. İnsanların bir-birinə qarşı qoyulması uçun çalışılır ki, onların qeyri ”“ qanuni əməlləri ört-basdır olunsun. Camaat onların əməllərini görməyə vaxt tapmasin. Bir-biriləri ilə intriqa aparsınlar və bir-birilərinə nifrət etsinlər. Kimsə bunu başa düşürsə, yaxud bunların siyasətinə qarşi çıxırsa, onların nəinki diplomatik hüquqları pozulur, hətta insan hüquqlarından məhrum edilmə həddinə kimi təqib olunurlar. Bəzən olur ki, diplomatlar qorxudan və özlərini qorumaq üçün otaqdan belə çıxmırlar. Diplomatlar bir-biriləri ilə toplaşıb söhbət etmək və nəyisə müzakirə etmək rəhbərlikdə qısqanclıq və şübhə yaradır. Keçirilən heç bir tədbirlərdə diplomatların təmsil olunmasına qəsdən imkan verilmir. Axırıncı tədbirlərin birində isə diplomatlar xadimələrlə bir masa ətrafında otuzduruldular.
Məcbur qalıb diplomatları tədbirə yollayanda isə onlar gözləməli olurlar kı, səfirliyin çoxsaylı maşınlarından heç olmasa biri nə vaxt Nəsimi Ağababayevin “məxfi” tapşırığını yerinə yetirib geri qayıdacaq ki, həmin diplomat o maşına minib tədbirə gedə bilsin. Bəs tədbirdən qayıdanda necə? Həmin vaxtı maşınlar məxfi tapşırıqda olduğuna görə daha vacib adamlari gəzdirirlər və diplomatlar geriyə tapa bildikləri vasitə ilə, necə gəldi qayıtmağa məcbur olurlar. Siz indi özünüz fikirləşin bunlar xarici ölkədə təmsil olunma mədəniyyətinə və təhlükəsizlik qaydalarına heç uyğundurmu?
Səfirliyə Nəsiminin tanışları, onun dostları və orada yaşayan qohumları onun adını verərək karvansara qapısı kimi açıb girir və heç kəs onlara heç nə deyə bilmir. İş o həddə çatıb ki, Nəsiminin dostları diplomatlardan daha üstün statusa malikdirlər.
Mənim sizə yazdığım və qəzetdə yazılanlar onun əməllərinin heç yarısını təşkil etmir. Onun orda səfirliyin inventarlarının və maliyyə vəsaitlərinin başına nə oyun gətirməsi və digər maliyyə maxinasiyalarından isə heç şeytan da baş açmaz. O,Özbəkistanda ölkəmizi təmsil etmək uçun ayrılan bütün pullara göz qoyub və nəyin bahasına olursa olsun onları əldən verməməyə çalışır. Sizcə nə səbəbə 3 vəzifəni özündə cəmləşdirir? İkisi maliyyə, biri isə rəhbər vəzifə. İndi siz baxın, o oradakı bir diplomatımızın (birinci katib) vaxtı bitən kimi dərhal onun yerini öz adamı ilə doldurmağa çalışacaq. Məndə olan məlumata görə o, artiq bu vəzifəni müəyyən şərtlərlə öz dostuna söz verib.
Hörmətli Elman müəllim, ifadəmə görə üzr istəyirəm. O, çox artist, fırıldaqçı və yalançı bir insandır. Üzdə özünü elə səmimi göstərir və arxada insana elə zərbə vurur ki. İndi baxın görün ki, vəziyyət nə səviyyədədir?
Bizim və oradakı dəstəksiz diplomatların və əməkdaşların son ümidi nazirlikdir, silərsiniz. Sizin son qərarınızı gözləyirik, razıyıq, qoy hər şey obyektiv araşdırılsın”.
Qarşı tərəfin
mövqeyini dərc etməyə hazırıq.