11:56

Çıxış edən İP KŞ üzvü Vidadi Mirkamal bildirib ki, qanun heç vaxt geriyə şamil oluna bilməz: “İlham Əliyev prezidentlik institutu ilə bağlı referendum keçirəndə artıq ikinci dəfə prezident seçilmişdi. Qanun heç zaman geriyə şamil oluna bilməz. Ona görə də bu dəyişikliklər heç bir halda İlham Əliyevə şamil oluna bilməz. Biz bu məsələni həm beynəlxalq birlik qarşısından qaldırmalıyıq.
Milli Şuranın vəzifələri ilə bağlı siyasi bəyannaməmiz olsa da hələlik bu vəzifələrin icrası ilə bağlı qeyri-müəyyənliklər var. Biz ilk olaraq Milli Şuranın faydalı, geniş miqyaslı işini təyin etmək üçün yerlərdə bölmələr yaradılmalıdır. Mən bu məsələdə artıq bir neçə ildir uğurlu fəaliyyət göstərən İctimai Palatanın bazasından istifadəni faydalı sayıram və təklif edirəm ki, İP-in 46 bölgədə yaranan yerli qurumları bu gündən avtomatik olaraq Milli Şuranın yerli bölmələri kimi tanınsın”.

***

11:51

Yığıncağı Müsavat Partiyasının başqanı İsa Qəmbər açdı və toplantı iştirakçılarını Azərbaycanın dövlət himnini səsləndirməyə dəvət etdi.

Müsavat başqanı daha sonra bildirdi ki, Milli Şuranın yaradılması həm Azərbaycanda, həm də beynəlxalq birlikdə çox ciddi maraqla qarşılanıb. Birinci məsələ ölkədəki ictimai-siyasi durumun müzakirəsi, Milli Şuranın vəzifələri, MŞ işinin təşkili, cari məsələlər.

İlk məsələ ilə bağlı çıxış edən AXCP sədri Əli Kərimli bu fikirləri səsləndirdi: “MŞ-nın yaranması tarixi bir hadisədir. Nə formalaşmasının qarşısını almaq mümkün olmadı, əks-təbliğat xalq tərəfindən dəstəklənmədi. Onillərlə Azərbaycan davası aparan insanlara xarici qüvvələrlə işbirliyi vura bilmədilər. Milli Şuraya xalqın verdiyi etimad avansdır. Ancaq biz ümidləri doğrultmasaq, xalqı arxamızca apara bilmərik. Saxtalaşdırılmış referendumun qərarı İlham Əliyevə aid ola bilməz. Üçüncü dəfə prezident seçkilərinə getmək siyasi mədəniyyət məsələsi sayılır. Asiyanın, Afrikanın ölkələri də bu durumu özlərinə layiq bilmirlər. Bu Azərbaycan xalqına qarşı hörmətsizlikdir. İddia etmək istəyirlər ki, Azərbaycan xalqı Əliyev ailəsindən başqa heç kimi yetişdirə bilməyib. Ona görə də Milli Şura bu məsələ ilə bağlı xüsusi sənəd qəbul etməlidir. Beynəlxalq birlik artıq Azərbaycan hakimiyyəti ilə başqa dildə danışır. Novruz Məmmədovun İlham Əliyevin namizədliyini beynəlxalq birliyin dəstəklədiyi deyəndən bir neçə gün sonra Avropa Birliyi Azərbaycana qarşı ciddi bir qətnamə qəbul etdi. Biz bundan sonra da Azərbaycan prezidentinin namizədliyinin AB-nin qətnaməsinin dəstəklənməsi, beynəlxalq təşkilatlardan bunu tələb etməliyik. ATƏT bizi məyus edib. Biz bu məsələyə də öz münasibətimizi bildirməliyik".

AXCP sədri bildirdi ki, ayrıca işçi qrup yaradılmalı, 2 il müddətində dəstəkləyəcəyi namizədin öhdəliklərini dəqiqləşdirməlidir: "Münasibətlərini tənzimləməlidir. Keçid dövründə Azərbaycanın hansı formada idarə olunmasını ilə bağlı öhdəlikləri təsdiq etməlidir. Milli Şuranın komissiyaları yaradılmalı, qurumun məqsədi xalqa daha anlaşılan dildə, siyasəti daha aydın dildə izah edilməlidir. Biz siyasi bəyannaməmizə uyğun olaraq platformamızı hazırlamalı, keçid dövr üçün etimad hökuməti yaradılmalı, bu etimad hökumətinin bütün sahələr üzrə platforması hazırlanmalıdır. Nümayəndə heyəti yaradılmalı və Milli Şura, onun prinsipləri dünyaya tanıdılmalıdır. Siyasi məhbuslara sahib çıxmalıyıq. Biz bütün siyasi məhbusları eyni dərəcədə müdafiə etməlidir.
Milli Şuranı Rusiyaya bağlamaq cəhdləri boşa çıxandan sonra belə bir iddia ortaya atılıb ki, Milli Şuranın müəyyən mərhələsindən sonra güc tətbiqinə keçəcək, zorakı metodlara keçiləcək. Ancaq bizim siyasi bəyannaməmizdə də vurğulanır ki, biz yalnız dinc, konstitusion mübarizə metodlarına üstünlük veririk. Biz hakimiyyətin bu iddiasının əsassızlığını da xalqın bizə verdiyi dəstəklə sübut edəcəyik. Elə etməliyik ki, siyasi situasiyanı biz yaradaq hakimiyyət bizə cavab vermək məcburiyyətində qalsın".

***

Moderator.az  xəbər verir ki, şuranı Müsavat Partiyasının başqanı İsa Qəmbər açıq elan edib. İ. Qəmbər bildirib ki, mayın 28-də Cümhuriyyətin 95-ci ildönümü günü Milli Şuranın yaranması bəyan edildi: “7 iyunda Milli Şuranın təsis toplantısı keçirildi. Bu gün Milli Şuranın ilk sessiyası keçirilir. Milli Şuranın yaranması cəmiyyətdə böyük ümidlər doğurur. Gündəlikdə ölkədəki ictimai-siyasi vəziyyət və Milli Şuranın vəzifələri, 2-ci məsələ Milli Şuranın işinin təşkili və üçüncü cari məsələlər müzakirə ediləcək”.

Üç məsələdən ibarət gündəlik səsə qoyulub və əksəriyyət gündəlikdəki məsələləri təsdiq edib.
- YENİLƏNİB" src="//old.moderator.az/fotobaza/original/20.jpg">- YENİLƏNİB" src="//old.moderator.az/fotobaza/original/21.jpg">- YENİLƏNİB" src="//old.moderator.az/fotobaza/original/23.jpg">- YENİLƏNİB" src="//old.moderator.az/fotobaza/original/24.jpg">- YENİLƏNİB" src="//old.moderator.az/fotobaza/original/26.jpg">- YENİLƏNİB" src="//old.moderator.az/fotobaza/original/27.jpg">- YENİLƏNİB" src="//old.moderator.az/fotobaza/original/29.jpg">- YENİLƏNİB" src="//old.moderator.az/fotobaza/original/30.jpg">- YENİLƏNİB" src="//old.moderator.az/fotobaza/original/31.jpg">- YENİLƏNİB" src="//old.moderator.az/fotobaza/original/32.jpg">- YENİLƏNİB" src="//old.moderator.az/fotobaza/original/33.jpg">