Bu kadrlar nə İraqın Kərkük, nə də Suriyanın Hələb şəhərində lentə alınıb... - FOTO+VİDEO

Amma indi oxuculara təqdim edəcəyimiz acınacaqlı mənzərə təkcə məmur səriştəsizliyinin deyil, həm də vətəndaş məmnunluğu üçün boynu qıldan nazik olan səlahiyyət sahiblərinin yarıtmaz idarəçiliyinin bariz nümunəsidir. 

Gördüyünüz bu kadrlar nə İraqın Kərkük, nə də Suriyanın Hələb şəhərində lentə alınmayıb. Nəsimi rayon icra hakimiyyətinin inzibati binasının 20-30 metrliyində, Vaqif küçəsində məşhur Zorge parkı deyilən ərazinin acınacaqlı görüntüləridir. Biz ölkə başçısının köməkçiləri olaraq yazmaq və göstərməklə işimizi bitmiş hesab edirik. Parkın bu cür acınacaqlı görkəmi üçün cavabdeh olan qurumların və şəxslərin məhşər ayağına çəkilməsi isə müvafiq strukturların vəzifə borcudur. Kimsə vəsait çatışmazlığı və digər bəhanələrlə insanların gözünə kül üfürməyə cəhd etməsin, hər şey gün kimi ortada, təkcə cəzalanan yoxdur. Hələ ki...