Türkiyənin Moldovadakı hazırkı, Azərbaycandakı keçmiş səfiri Hulusi Kılıc, eləcə də Azərbaycanın Moldovadakı səfiri Qüdsi Osmanov “Yeni Müsavat” Media Qrupunun ofisində oldular. Redaksiya ilə tanışlıqdan sonra hörmətli Hulusi bəydən müsahibə istədik. Məmnuniyyətlə razılaşdı. 

Moderator.az hımin müsahibəni təqdim edir:

- Mən bütün səfirlərlə yaxınam. Məncə, bu sualı ordakı səfirlərə versəz, daha yaxşı olar (gülür). Amma mənimçün ən yaxın Azərbaycan səfiri, qardaşımız Qüdsi Osmanovdur.

- Bəli. Azərbaycanın Moldovadakı səfirliyi yeni açılmışdı, Qüdsi bəy də yeni təyin edilmişdi. Biz etimadnaməmizi də onunla eyni gündə təqdim etdik. Bir saat fasilə ilə.  Mənim adım Hulusi, onun adı Qüdsi (gülür)... İngiltərənin Moldovadakı xanım səfiri də bizimlə eyni gündə etimadnaməsini təqdim etdi. Onun da adı Lusi idi. Belə bir təsadüf ola bilməz: Hulusi, Qudsi, Lusi adlı səfirlər eyni gündə... (ürəkdən gülür)

- Təbii, olur.

- Vəzifəyə başlayan kimi dedim ki, mən burda Azərbaycan diasporu ilə görüşəcəm. Yardımçıma dedim ki, diaspor rəhbərinə bu barədə məlumat versin. Xəbər verildi, amma adam çaşmış, təəccüblənmiş: “Səfir mənim yanımamı gələcək?”, deyə inanmamış. Hətta mənim sürücümə zəng edib, dəfələrlə soruşub: “Bir yanlışlıq var. Bəlkə məni səfirin yanına çağırıblar? Bir dəqiqləşdirin”, deyib. Hər zaman gözləyib ki, kimsə onu çağırsın və getsin. Amma mən getdim. Gözləsəniz, heç kim sizin yanınıza gəlməyəcək. Siz gedəcəksiz ki, onlar sizin yanınıza gəlsin. İşi bu məntiqlə görmək lazımdır. Mən hamının yanına getdim. Bakıda da elə etdim, Moldovada da.

- Vüqar Novruzov deyə bir qardaşımız var, illərdir ordadır. Həm biznesmendir, həm də dövlətlə münasibətləri yaxşıdır. Bundan əlavə, oradakı azərbaycanlıları bir arada saxlamağı bacarır. Mən vəzifəyə başladığım 3-cü gün gedib onunla görüşdüm. Belə başladı münasibətlər. Heç bir türk iş adamını görmədən mən gedib Vüqar bəylə görüşdüm. Çünki mən ilk gündən də demişəm ki, orada da hər iki xalqın səfiriyəm. Hər şeyi bərabər edirik. Adını “dönər günü” qoyduğumuz günlərimiz var. “Quru fasulye” günümüz də var. Amma məqsəd nədir? Bu günlər bəhanədir. Məqsəd bir arada olmaq, səfirliyi hamının doğma ocağına çevirməkdir. Belə olmalıdır ki, insanlar da ora gəlsin.

- Mən təkrar Azərbaycanın səfiri olmağı çox istəyirəm. Bunu hər kəs bilir. Hər zaman da bu arzu ürəyimin bir köşəsində olacaq.

- Bu qədər xidmət edirik. İçimdə bu qədər enerjim var. Bu enerji boşuna getməsin. Mən oturan bir səfir deyiləm ki. Daim çalışıram. Səbəbi də budur. Azərbaycan qardaş bir ölkədir. Daha çox bir-birimizə yaxın olarıq. Bir-birimizi daha çox tanıyarıq. Bir problem olsa, oturub danışar, onu çözərik. Amma ən önəmlisi birlikdən güc doğar. Biz birgə olsaq, böyük olarıq.

- (Gülür). Hazırda görünmür. Amma bunu deyim ki, mən bura təkrar gəlmək istəyərəm.

- Mən Azərbaycandan, Azərbaycanın xəbər məkanından heç qopmadım. Nə olub-bitdiyini hər zaman bilirəm. Gündəlik informasiya bülletenlərini alıram. Türkiyənin Azərbaycandakı səfiri bu olayı pislədi, bilirsiniz. Türkiyə Cümhuriyyətinin Xarici İşlər Nazirliyi bununla bağlı açıqlama verdi. Mən də bunu çox pisləyirəm. Biz burdakı həmrəyliyimizi, bir-birimizi müdafiəmizi bütün sahələrdə göstərməliyik. Dağlıq Qarabağ qədim türk torpaqlarıdır, bunu hər kəs bilsin. Bunu da dəfələrlə söylədim. Biz erməni xalqının düşməni deyilik. Əsrlərlə bərabər yaşamışıq. Problem Ermənistan hakimiyyəti ilə bağlıdır: gəlin bu torpaqları boşaldın, bu insanlar öz torpaqlarına köçsün, burdakı zənginlikdən siz də yararlanın. Ermənistandakı insanlar hər zaman xaricə köçürlər. Çünki işsizdirlər. Amma mən deyirəm ki, gəlsinlər, Qarabağda bərabər yaşasınlar. Ortada haqsız bir durum var. Düşünün, Sovetlər Birliyi dağılır. Fürsətdən istifadə edən ermənilər Azərbaycan torpaqlarını işğal edirlər. Bunu kim qəbul edər? Birləşmiş Millətlər Təşkilatının dörd qətnaməsi var. Bu qətnamələr indimi çıxdı? İşğaldan sonra çıxdı. Ortada bu gerçəklər var. Ona görə də mən Qarabağ məsələsinin bölgədəki sülhü, əmin amanlığı, hüzuru təhdid etdiyini düşünürəm. Bir an öncə öz həllini tapmalıdır. O dörd nəfər türkün də bilmədən Dağlıq Qarabağa getmiş ola biləcəyini və ya yönləndirilə biləcəyini təxmin edirəm.

- Olmaz. Heç bir ölkə öz vətəndaşını verməz. Amma Avropa İttifaqı daxilində ədliyyə yardımlaşması deyə bir şey var. O çərçivədə Azərbaycan onların cəzalandırılmasını istəyə bilər və bu, onun haqqıdır. Ona görə də cəzalandırılmalıdır ki, başqaları da bir daha ora addım atmasın.