Əvvəllər Rusiya deyilərkən bir çoxunun ağlına Qorbaçov və Yeltsin gəlirdisə, düz 16 ildir ki, Rusiyayla Putin adı yanaşı səslənir. Yeltsindən sonra, düz 1999-cı ildən bəri Rusiyaya prezidentlik edən Putinin bu gedişlə hələ uzun illər də Rusiyanın başında olacağı bəllidir.
Maraqldıır, biz gerçəkdən də Putini tanıyırıqmı?
Moderator.az-ın təqdim etdiyi bu yazıda Türk mətbuatında Putin haqqında yayımlanmış araşdırma ilə tanış olacaqsınız.
Yeltsinlə iclasda, Yeltsin onu baş nazir təyin edəcəyini açıqladığı zaman onsuz da Putinin onun xələfi olacağına inanılırdı, 1999.
Vladimir Putin 7 oktyabr 1952-ci ildə Sankt-Peterburqda doğul. Doğulduğu zaman Sovet ittifaqı dağılmamışdır və Sankt-Peterburqun adı Leninqrad idi. Sovet ittifqının dağılmasından sonrası bu şəhərin adı yenə Sankt-Peterburq olur.
Kiçik Vladimir Leninqradda bir komunist mənzilində dünyaya gözlərini açır. Anası Mariya İvanovna Şelomova zavodda fəhlə, atası Vladimir Spiridonoviç Putin isə sualtı gəmi donanmasında işləyirdi. Babasının (atasının atası) Spiridon İvanoviçin isə Lenin və Stalinin aşpazlığını etdiyi söylənilir.
Vladimir Putin 1977-ci ildə
Atası Vladimir Putin 1911-ci ildə anadan olub. Birinci Dünya müharibəsi başlayanda həyat şərtləri çətinləşir, insanlar aclıqdan qırmağa başlayırlar. Bundan də zərər çəkməmək üçün Putin ailəsi Moskvadan Pominovoya köçür. Pominovo ata Vladimir Putin üçün əhəmiyyətli bir yer idi, çünki həyat yoldaşı ilə burada tanış olmuşdular və hər ikisi də hələ 17 yaşında ikən evlənməyə qərar vermişdilər.
Uşaqlığı və gəncliyi
Vladimir Putinin uşaqlığı və gəncliyinə dair əlimizdə təəssüf ki, çox ətraflı məlumat yoxdur. Doğulduğu və məktəb dövrü qurtarana qədər, 1950-1970 arasındakı dövr hələ də öz sirrini qoruyur. Bunda Putinin prezident olmazdan əvvəl uzun illər DTK-nın başında olmasının payı olduğu bəllidir. Çünki Putin uşaqlıq və ilk gənclik vaxtlarına dair heç bir məlumatın bilinməsini istəmir. Ancaq yenə də Putinin uşaqlıq dövrünə aid az da olsa məlumatlar var. Deyilənə görə, Vladimir ana və atası boşanandan sonra Gürcüstana gedir və orada yaşayır. Anası orada yenidən evlənir, ancaq ögey atası kiçik Vladimiri istəmir və Vladimir Leninqrada nənəsinin yanına yollanır. Başqa bir məlumata görə isə ögey ataya görə yox, şəraitin pis olması ucbatından Leninqrada nənə və atasının yanına gedib.
Bunlardan başqa Vladimir haqqında ibtidai sinif müəllimlərinin verdiyi şərhlərdə Balaca Vladimirin çox ağıllı bir uşaq olduğunu, buna baxmayaraq yaxşı oxumadığını, dərslərində geri qaldığını qeyd edirlər.
1966-cı il, Putin 14 yaşında, məktəb nömrəsi 193.
Şərqi Almaniyada gənclik
Putin orta məktəbi bitirəndən sonra hüquq təhsili alır, 1975-ci ildə Leninqrad Dövlət Universitetinin Hüquq fakültəsini bitirir. Məzun olduqdan sonra Rus kəşfiyyatında işləməyə başlayır və ilk vəzifə yeri Şərqi Almaniya olar. Alman dilinin ana dili kimi bilməsində də bu ölkədə qalmasının təsiri böyükdür. Şərqi Almaniyadan qayıtdıqdan sonra isə məzun olduğu universitet rəhbərliyində vəzifə alır.
Tarixlər 1991-1992-ci ili göstərəndə Putin Leninqrad şəhər şurasında məsləhətçi olur. 1996-cı ilə qədər müxtəlif idarələrdə, müxtəlif vəzifələrdə çalışır. Həmçinin siyasət pillələrini qalxmağa başlayır. 1996-cı ildə Kreml sarayında mülki idarənin sədr mavini olur. Sonra 1997-1998-ci illərdə Dövlət Rəhbərliyinə Nəzarət İdarəsinin rəisi vəzifələrinə gətirilir. Sonra 1999-cı ilə qədər Rusiya Federal Təhlükəsizlik Xidmətinə sədrlik edir.
Həmin il baş nazirin müavini və vəkili olur. 16 avqustdan etibarən baş nazir olan Putin o zamankı prezident Boris Yeltsinin istefasından sonra prezidenti 3 ay əvəz edərək bu vəzifəni təhvil alır. Sonrakı seçkilərdə isə prezident seçilir. 2008-ci ildə vəzifə müddəti bitdiyinə görə prezidentliyi Dmitri Medvedyevə həvalə edib, özü baş nazir olur. 2012-ci ildə keçirilən seçkilərdə yenidən prezident seçilir.
1989-cu ildə Perestroyka mitinqlərini yatırarkən
Rus agenti Putin
Putin təhlükəsizlik məmuru
Dilə asan gəlsə də, 16 ildir hakimiyyətdə olan birindən danışırıq. Ölkəsini necə idarə etdiyini isə üstüörtülü də olsa görə bilirik. Siyasi baxımdan bildiklərimiz xüsusi həyatına dair bildiklərimizdən daha çoxdur. Görəsən Putin şəxsi həyatında necə biridir?
Şəxsi həyatı
Putin paytaxt Moskvanı səs-küylü, havasını isə çirkli bildiyi üçün Moskvadan kənarında yaşayır. Xüsusilə Moskva yolundan nifrət edir. Bu səbəbdən də Moskvanın qərbində yerləşən Novo-Oqaryovoda şəxsi villasında qalır. Bura Putinin davamlı olaraq qaldığı yerdir.
İdmançıdır, bir çox idmanla məşğul olur, amma hər gün davamlı olaraq üzür. Bir müsahibəsində ən çətin qərarlar barədə məhz üzərkən nəticəyə gəldiyini qeyd edib. Üzgüçülükdən sonra ən sevdiyi idman isə cüdo de buz xokkeyidir. Həftədə bir də yaxınları ilə matç etdiyi bilinir. Oyunçuların əksəriyyəti isə özünün və baş nazir Medvedyevin qorumalarından ibarətdir, bəzən köhnə dostları da ona qoşulur.
Rus liderin sosial media və internet aləmi ilə çox əlaqəsi yoxdur. Sosial mediaya dair sevdiyi tək şey müşavirlərinin ona göstərdiyi gülməli videolardır. Xüsusən onu ələ salmaq məqsədilə hazırlanmış videoları dəfələrlə seyr edirmiş. Kompüter mühitindəki məlumatlara bir o qədər güvənmir və buna görə də hər şey köhnə üsulla aparılır. Sabit telefonlar, yığınla fayllar, qovluqlar, qırmızı rəngli fayllar isə ən favoritidir. Məsləhətçiləri isə hər an tikan üstündədir, çünki köhnə üsul ilə çalışan işçilər sürətli axan gündəm üçün hər zaman hazır olmaq məcburiyyətindədirlər. Putin bir də soyuq şəraitdə işləməyi çox sevir, zehninin daha açıq olmasının bununla əlaqədar olduğunu deyir.
Keçmiş həyat yoldaşı ilə Qızıl Meydanda evlilik xatirəsi. Keçmiş həyat yoldaşı Lyudmila Putina Aleksandrovna Leninqrad Dövlət İnstitutunun filologiya fakultesi məzunudur. Alman, ispan və fransız dillərini bilir.
Peşəkar agent olan Putinin ən böyük qorxusu zəhərlənməkdir. Bu qorxusu ən pik səviyyədədir. Əgər xarici ölkəyə səfərə gedəcəksə, qalacağı oteldə 200 otaq götürülür, bir növ Kremlə çevrilir. Xüsusi xidmət orqanları aylarca əvvəl nəzarətə başlayır və bütün otaqların yataq və hamam dəstləri Rusiyadan möhürlü şəkildə getməlidir. Bunun xaricində bu səfərində özünə aşpazlar, ofisiantlar və təmizlik işçiləri müşayiət edir. Yeyəcəyi yeməklər əvvəlcədən müəyyən olunur, bunun xaricində heç bir yemək təqdimatı keçirilmir.
Putin keçmiş arvadı və qızlarıyla
2013-ci ildə 30 illik həyat yoldaşı Lyudmilladan boşanan Putinin 2 qızı var. Ayrılmasına səbəb kimi evlilikdən kənar əlaqəsi olduğu qeyd edilir. Putin qızlarından birinin biologiya, digərinin isə Yapon dili və tarixi üzrə təhsil aldığını açıqlayıb.
Putin itləri çox sevir. Rus liderin Konus adlı qara Labrador itləri var.
Haqqında bu qədər az məlumat olan bir adamdır Vladimir Putin. "Yeni dünya düzəni yaratmağa çalışanlara Rusiya qarışmaz, ancaq Rusiyanın ayağına basanda və Rusiyanın maraqlarına zərər verdiklərində əzab çəkməyin nə olduğunu çox yaxşı dərk edirlər" deyərək yürütdüyü siyasəti davam etdirən Putini Rus xalqının əksəriyyəti sevir, sevməyən isə ən azından hörmət edir.
Hazırladı: Zəhra
