Hər bir iftiraya dözmək olar, amma ədalətsizliyə yox!

Ümumiyyətlə, Almaniya  iqtisadiyyatı  ilə Azərbaycanı  müqayisə  etmək  düz deyil və  tamamilə yersizdir.  Belə iddia yalnız ikrah hissi doğurur.  Dövlət televiziyası  Almaniyaya Yaxın Şərqdən gələn qaçqınlardan reportajlar hazırlayıb ölkə iqtisadiyyatının sıradan çıxması barədə  verilişləri  böyük həvəslə yayımlayır. Almaniya,  Gürcüstan, Ermənistan, Abxaziya, Dağıstan və ya digər keçmiş MDB dövlətləri deyil ki, Azərbaycanla müqayisə edəsən. Bu ölkə ötən əsrin ən qüdrətli dövləti ən nüfuzlu imperiyası olub. Bu gün də inkişafı ilə bütün dünyanın canına vəlvələ salıb. 

Bu nə deməkdir ? Bütün bunlar nəyə gərəkdir və  hansı məqsədə  xidmət edir ?

Axı Almaniya Azərbaycanın Dağlıq Qarabağla  bağlı ədalətli mövqeyini daim müdafiə edib. Eyni zamanda saxta erməni soyqırımını qəbul etməyib.  İqtisadiyyata gəlincə,  Almaniya əhalisi 82,5 milyon, Ümumdaxili məhsulun həcmi 3,3 trilyondur. Adambaşına düşən  ÜDM-in həcmi təxminən 40000 avro , müqavilə əsasında  işləyənlərin ortalama aylıq gəliri 3400 avro səviyyəsindədir.
Azərbaycanın  ÜDM-nun həcmi isə 57,8 milyard , adambaşına düşən pay 5780 manatdır. Bu məbləği  Evro- ya konvertasiya etdikdə təxminən 3340 avroya bərabər olur.

Azərbaycanla Almaniya arasında Ümumdaxili Məhsulun adambaşına düşən payı arasında 11,9 dəfə , orta əməkhaqqı məbləğində isə təxminən 13 dəfə fərq var.  Bu o deməkdir ki, Almaniyada yaşayış səviyyəsi bizdəkindən təxminən 12 dəfə yüksəkdir. İnflyasiyanın illik həddi isə 1,7 % təşkil edir. Bu isə Almaniyanı qiymətlər baxımından dünyada  ən sabit iqtisadiyyata malik ölkə kimi qərarlaşdırır. Əhalinin  pul sərvətində artım bu ölkədə inflyasiyanın çox kiçik həddə olması səbəbindən yüksək  templə inkişaf etdiyi  müşahidə olunur. 

Almaniyanın dünya iqtisadiyyatında payı təxminən 10 faiz təşkil edir. Bu da Almaniyanın Avropa  ailəsində iqtisadi və siyasi  nüfuzunu  artırmaqla  yanaşı, Avrasiya materikində  dolların  taleyini şübhə altına alır. 

Sürətlə inkişaf edən Türkiyə isə türk-islam  birliyi çağırışları ilə Almaniya kimi  ABŞ-ı ciddi narahat edir.

Suriyadan  səkkiz yüz min (800000)  müsəlman  qaçqını  qəbul edən və təkrar olaraq beş yüz min də əlavə qəbul etməyə hazırlaşan Almaniya  haqqında  qərəzli fikirlər yayımlamaq ən azı  günahdır. Bu gün Almaniya və Türk müttəfiqliyi ABŞ-ın onlarla  apardığı  mücadilənin görünüşüdür. Bu dollar və avronun  müharibəsidir.

Rusiyanın yuyulmamış çömçə kimi ortaya  atılması  ABŞ- ın və dolların   NATO-dakı  hökümranlığını  daha da möhkəmləndirməkdir.  Almaniya barədə qərəzli fikirlər  insanlığa  və müsəlmanlara  müsəlmanları özlərindən  daha çox qiymətləndirən, qayğı göstərən, sığınacaq verən bir  dövlətə qarşı çıxmaqdır. Bu bizim tərəfimizdən cılızlıq və düşüncəsizlikdir. Əgər Almaniya Türk qardaşlarımızın yanındarıdlarsa, heç olmazsa, bu müttəfiqliyə hörmət etməliyik.

İndi özünüz fikirləşin: biz nə edirik? Kimə və nə üçün daş atırıq? Məyər hər bir məsələ fərdi mənafeyə köklənməlidir? Belə iftira ilə insanın dözə bilməyəcəyi bir yalanla niyə ürək parçalayırsız?

Əgər düşmənin varsa, onunla ədalətlə düşmənçilik etmək lazımdır.  Mən Uca Yaradana  bu ölkələrin taleyi üçün dua edirəm. Qoy, Uca Yaradan onları məkirli niyyətlərdən qorusun!  Bəlkə bu dövlətlərin gücü və iradəsi kiçik dövlətlərin sionist  fitnəsindən qurtulmasına səbəb olar.

 Mən dövlətə  və xalqın hər bir nümayəndəsinə artıq dərəcədə xahiş edirəm: Əvvəl və Axır olan Uca Yaradan xatirinə, dünyadan köçüb gedənləriniz, dünyaya yeni göz açanlarınız, vicdan xatirinə ədalətli olun! Yalana son qoyun! Cılızlığınızla  özünüzü və ətrafdakıları incitməyin! Sizin əməllərinizə artıq dözmək mümkün deyil!

 İnsan, getdikcə, özü özünə nifrət edir. İnsan nə qədər riyakarlıq, nə qədər yalan , nə qədər vicdansızlıq görər? Bircə o qalmışdı ki, yaşına yaraşmayan davranışı ilə daim cəhalət saçan müğənni şəhid elan edilsin, onu da gördük. Bəs deyilmi? Az qalır ki,  dünyaya gəldiyin günü lənətləyəsən. Bu zülm deyilmi ? İnsan nə qədər aşınar. İnanın ki, mənəvi əzab, fiziki əzabdan da ağır və dözülməzdir. Necə olur ki, böyük nizamın Sahibinin qəzəbindən qorxmayasan? Mən baş verəcək O günün əzabından qorxuram!

Elçin Qurbanov