Onilliklər bir-birini əvəz etsə də? Qarabağ probleminin həllinə nail olmaq, işğaldakı torpaqları azad etmək hələ ki, mümkün olmayıb. Tarixi torpaqlarımızın işğal altında qaldığı, müharibə şəraitinin davam etdiyi, təmas xəttində atəşkəs rejiminin gün ərzində dəfələrlə pozulduğu bir zamanda, Ermənistanın bütün müstəvilərdə zəiflədilməsi, düşmən dövlətin maddi-mənəvi itkilərə məruz qalması hər birimizin maraq dairəsində olması gərəkən məsələlərdir. Lakin təəssüflər olsun ki, bu gün ölkəmizdə baş verən bir sıra hadisə və proseslər Ermənistanın nəini itkilərə məruz qoyduğumuzu, əksinə düşmən dövləti maddi baxımdan ciddi miqdarda vəsait qazandırdığımızı, onun maliyyə xərclərinə böyük ölçüdə qənaət etdiyimizi sübut edir. Ermənistana necə, hansı yollarla pul qazandırdğımızı aydın dərk etmək üçün bəzi konkret faktlara nəzər salmaq kifayətdir.
Azərbaycanın dövlət təhlükəsizliyinin
qorunmasına cavabdeh olan bir nömrəli qurumda ”“ MTN-də baş verən olaylar göstərdi
ki, burada kök salan cinayətkar şəbəkə əslində uzun illər ərzində Ermənistan
xüsusi xidmət orqanının etməsi gərəkən hər şeyi edib. Bura milyardlarla vəsaitin
talanmasından tutmuş, adam oğurluğu, dövlət sirlərini satmaq, siyasi hakimiyyətdə
təmsil olunan şəxslərin danışığını dinləmək, yüzlərlə Azərbaycan vətəndaşını
fiziki-mənəvi işgəncələrə məruz qoymaq, ölkə daxilinbdə diversiya və təxribat
xarakterli əməllər həyata keçirmək və s. daxildir. Başqa sözlə desək, Ermənistan
xüsusi xidmət orqanının hədəfində olan, lakin həyata keçirə bilmədiyi hər şey
sabiq MTN rəhbərliyi tərəfindən artıqlaması ilə həyata keçirilib. Bu isə o deməkdir
ki, Ermənistan xüsusi xidmət orqanlarının bunları həyata keçirməsinə vəsait
ayırmasına, risk almasına ehtiyac qalmayıb. Başqa sözlə desək, sabiq MTN rəhbərliyi
özü belə fərqində olmadan düşmən dövlətin büdcəsinə əməlli-başlı xeyir verib.
Azərbaycanın Ermənistana
qazandırdığı vəsaitin bir hissəsi isə təhsillə bağlıdır. Təhsilin bütün dünyada
strateji sahə hesab edildiyi, özünün və gələcəyinin qeydinə qalan hər bir dövlətin
bu məsələyə böyük önəm verdiyi birmənalıdır. Lakin uzun illərdir ki, Azərbaycanda
təhsil adlı strateji sahə elə vəziyyətə salınıb ki, bu sahə millət vəkili Fazil
Mustafanın təbirincə desək, sadəcə olaraq diplomlu savadsızların yetişdirilməsi
ilə bağlıdır. Azərbaycan təhsilinə vurulan bu zərbə Qarabağ savaşında Azərbaycan
ordusunun aldığı zərbələrdən qat-qat böyük və sarsıdıcıdır. Bu isə nəticə
etibari ilə Ermənistanın maraqlarına cavab verir.
Hələ çar Rusiyası dönəmindən
Azərbaycan xalqının ziyalılarının, sərkərdələrinin sıradan çıxarılmasına
milyonlarla manat vəsait sərf edən, öz məqsədinə nail olmaq üçün ən ağlagəlməz
üsullardan istifadə edən Ermənistanın hazırda bu istiqamətdə də məxsusi səy
göstərməsinə ehtiyac yoxdur. Çünki ölkə təhsilinin bugünkü vəziyyəti xalqın gələcəyini
kompleks şəkildə məhvə aparır.
İnsanların alıcılıq
qabiliyyətinin ildən-ilə aşağı salınması, geni dəyişdirilmiş qidaların ölkə
bazarına ayaq açması, ictimai şüura kütləvi çarəsizlik və ümidsizlik əhval-ruhiyyəsinin
yeridilməsi, əxlaqi-mənəvi dəyərlərin sürətlə sıradan çıxması, rüşvət və
korrupsiyanın adi həyat normasına çevrilməsi, ölkə səhiyyəsinin baytar xidmətinən
fərqlənməməsi, məhkəmə sisteminin iflası, əksər ailələrin bankdan asılı hala
salınması, namuslu və ləyaqətli insanların intihara məcbur edilməsi, əqidəli
insanların qondarma ittihamlar həbs edilməsi və
s. üzərində azərbaycanlı adı, bətnində iblis ruhu gəzdirənlərin Ermənistana
göstərdiyi “qardaş yardımıdır”. Ümumiyyətlə, istənilən Azərbaycan vətəndaşına
münasibətdə yol verilən ən xırda ədalətsizlik, istənilən vəzifəli şəxsin öz
xidməti borcuna etdiyi ən xırda xəyanət, istənilən şəxsin ictimai və ümumxalq mənafeyinə
vurduğu ən cüzu ziyan belə Ermənistanın əlinə oynamaq, Azərbaycanın məğlubiyyətində
pay sahibi olması deməkdir.
Nə qədər acınacaqlı da
olsa etiraf etməliyik ki, bu gün Ermənistanın Azərbaycanı zəiflətək, onun məhvini
sürətlərndirmək üçün hansısa planlar qurmasına, təxribatlar həyata keçriməsinə
ehtiyac yoxdur. Bütün bunlar erməni ordusu və diplomatiyasının səyi olmadan da
baş verməkdədir. Bu isə Ermənistana öz canlı resursundan tutmuş maliyyə
ehtiyatına qədər sahib olduğu hər şeyə tamı-tamına qənaət etməyə imkan verir.
Odur ki, əslində bu gün Ermənistanda fəaliyyət göstərən
bəzi dövlət qurumlarının və təşkilatların fəaliyyətinə heç bir ehtiac yoxdur və
rəsmi İrəvan bu qurumları ləğv etməklə öz dövlət büdcəsinə bir qədər də qənaət
edə bilər. Bura Ermənistanın xüsusi xidmət orqanı, Kəşfiyyat və Əks-Kəşfiyyat
xidməti, Müdafiə Nazirliyi, Azərbaycan əleyhinə ixtisaslaşdırılmış informsiya
orqanları, hərbi-elmi müəssisələr və s. daxildir. Hansı ki, bu qurumların
qarşısında dayanan məqsədlərin hamısına onların iştirakı olmadan nail olunur.
Bir sözlə, görünən odur
ki, bu gedişlə Azərbaycana özündən başqa düşmən lazım olmayacaq və Ermənistanın
etməli olduğu tək şey qüvvə sərf etmədən əldə etdiyi uğurların nəticəsindən
faydalanmaq, işğaldakı torpaqlarda mövcudluğunu möhkəmlənmək və yeni qələbələrdən həzz almaq olacaq.
Seymur Əliyev
e-mail: [email protected]